ءماجىلىستىڭ ءبىر توپ دەپۋتاتى 27 ناۋرىز بەن 1 ءساۋىر ارالىعىندا وڭتۇستىك كورەيا ەلىندە  ءىس-ساپاردا ءجۇر.

قازاقستاندىق دەلەگاسيا قۇرامىندا رومين ءمادينوۆ، رومان كيم، ءاليحان تويبايەۆتار جانە رەسپۋبليكانىڭ عىلىم مەن ىسكەرلىك سالا وكىلدەرى دە بار.

شارا بارىسىندا ءماجىلىستىڭ اگرارلىق ماسەلەلەر كوميتەتىنىڭ ءتوراعاسى رومين ءمادينوۆ كورەيا رەسپۋبليكاسى ۇلتتىق اسسامبلەياسىنىڭ اۋىلشارۋاشىلىعى، تەڭىز جانە بالىق شارۋاشىلىعى  ماسەلەلەرى كوميتەتىنىڭ ءتوراعاسى چوي كيۋن سۋنگپەن كەزدەستى. تاراپتار ەكى جاقتى ىنتىماقتاستىقتىڭ بۇگىنگى جاعدايى مەن ەلدەر اراسىنداعى ەكىجاقتى ىنتىماقتاستىقتى دامىتۋدىڭ بولاشاعىن جانە ءوزارا پايدالى بايلانىستىڭ كوكجيەگىن كەڭەيتۋ ماسەلەسىن تىلگە تيەك ەتتى.

سەۋلدە كازاقستاندىق دەلەگاسيا وڭتۇستىك كورەيا ىسكەرلىك جانە ساۋدا-وندىرىستىك پالاتاسىنىڭ وكىلدەرىنىڭ قاتىسۋىمەن كەڭەيتىلگەن بيزنەس-سەمينار وتكىزدى. وندا «قازاقستان 2050» ستراتەگياسىنىڭ نەگىزگى ەرەجەلەرى مەن شەتەلدىڭ ينۆەستورلارعا جول اشاتىن ەلىمىزدىڭ باستى باعدارلامالىق قۇجاتىنداعى جاڭا مۇمكىندىكتەردى ءتۇسىندىردى.

قازاقستاندىق دەلەگاسيا  وڭتۇستىك كورەيالىق كونگي پروۆينسياسىنا بارىپ ءبىرقاتار عىلىمي-زەرتتەۋ ينستيتۋتتارى، جىلىجايلار مەن فەرمەرلىك شارۋاشىلىقتارعا باردى. سونىمەن قاتار دەپۋتاتتار كورەيانىڭ الدىڭعى قاتارلى ۋنيۆەرسيتەتى – «KonkukUniversity» باسشىلارىمەن كەزدەستى.

(ساۋلە دوسجانوۆا. ت.74-63-01. اقپاراتتى ق ر پارلامەنتى ءماجىلىسى اپپاراتىنىڭ  باسپا ءسوز قىزمەتى تاراتتى) 

http://www.parlam.kz