ەلباسى ن. نازاربايەۆ پرەمەر-مينيستر لاۋازىمىنا كارىم ءماسىموۆتى ۇسىندى. ياعني قالىپتاسقان "ءتارتىپ" بويىنشا ەندى ۇكىمەت باسى كارىم قاجىمۇقان ۇلى بولادى دەگەن ءسوز.
ءبىر انىعى، ەندى ۇكىمەت باسىندا ۇزاق جايعاسامىن دەگەن، حالىقپەن ءتىل تابىسامىن دەگەن ۇكىمەت ەڭ الدىمەن قازاقپەن ءتىل تابىسۋى ءتيىس. ويتكەنى:
1. مەملەكەتقۇرۋشى ۇلتتىڭ ارا سالماعى 70 پايىزعا جۋىق.
ءماسىموۆ بيوگرافياسى:
كارىم قاجىمقان ۇلى ءماسىموۆ 1965 جىلى ماۋسىمنىڭ 15 كۇنى دۇنيەگە كەلگەن.
1982 جىلى الماتى قالاسىنداعى رەسپۋبليكالىق فيزيكا-ماتەماتيكا مەكتەبىن ۇزدىك ءبىتىردى. 1985 جىلى ماسكەۋ قالاسىنداعى پ.لۋمۋمبا اتىنداعى حالىقتار دوستىعى ۋنيۆەرسيتەتىندە اراب فيلولوگياسى بويىنشا ءبىلىم الدى.
1988 جىلى پەكيندەگى ءتىل ءبىلىمى ينستيتۋتىندا وقىعان. 1991 جىلى قىتايداعى ۋحان زاڭ ۋنيۆەرسيتەتىن، 1995 جىلى قازاق مەملەكەتتىك باسقارۋ اكادەمياسىن بىتىرگەن.
1999 جىلى كولۋمبيا ۋنيۆەرسيتەتىندە (نيۋ-يورك) توپ-مەنەدجەرلەر دايارلاۋ باعدارلاماسىنان وتكەن.
قىزمەت جولى
1991 جىلى - جۇڭگو حالىق رەسپۋبليكاسىنداعى كسرو ساۋدا وكىلدىگىنىڭ قۇقىقتىق ماسەلەلەر بويىنشا كەڭەسشى. 1991 جىلى ق ر ەڭبەك مينيسترلىگىندە سىرتقى ەكونوميكالىق بايلانىس ءبولىمىنىڭ باستىعى، باس ەكونوميست. 1992 جىلى «قازاقپريگرانتورگ» فيرماسىنىڭ باسشىسى، ءۇرىمشى (جۇڭگو) قالاسىنداعى «قازاقينتورگ» وكىلدىگىندە جەتەكشى مامان، ديرەكتور ورىنباسارى. 1993 جىلى «اكسەپت» ج ش س باسشىسىنىڭ ىشكى ەكونوميكالىق ماسەلەلەر جونىندەگى ديرەكتور ورىنباسارى قىزمەتىن اتقارادى. 1994 جىلى گونكونگ قالاسىنداعى قازاق ساۋدا ءۇيىنىڭ باسقارۋشى ديرەكتورى. 1995 جىلى «الماتى ساۋدا-فينانس بانكى» جاق باسقارماسىنىڭ باستىعى،1996 جىلدىڭ قىركۇيەك ايىنان «تۇرانالەمبانك» باسقارماسى باستىعىنىڭ مىندەتىن ورىنداۋشى، 1997 جىلدىڭ تامىز ايىنان باستاپ «قازاقستان حالىق جيناق بانكى» ااق باسقارماسى باستىعىنىڭ 1-ورىنباسارى، قىركۇيەك ايىنان باستاپ باستىعى، 2000 جىلدىڭ تامىز ايىنان ق ر ترانسپورت جانە كوممۋنيكاسيا ءمينيسترى، 2001 جىلدىڭ قاراشاسىنان ق ر پرەمەر-مينيسترىنىڭ ورىنباسارى، 2002 جىلدىڭ شىلدەسىنەن ق ر پرەزيدەنتىنىڭ كومەكشىسى، 2006 - 07 جىلدارى ق ر پرەمەر-مينيسترىنىڭ ورىنباسارى قىزمەتتەرىن اتقارعان. 2007 ج. قاڭتاردىڭ 10-ىندا قازاقستان رەسپۋبليكاسىنىڭ پرەزيدەنتى جارلىعىمەنەن قازاقستان پرەمەر-مينيسترى بولىپ تاعايىندالادى. 2011 جىلدىڭ 2 قاراشاسىندا كارىم ءماسىموۆ "قازاقشا ۆيكيپەديا" جوباسىن ءوز قامقورلىعىنا الاتىنىن حابارلادى. 2012 جىلدىڭ 24 قىركۇيەك كۇنى كارىم ءماسىموۆ ۇكىمەت باسشىسى رەتىندە جۇمىستان كەتەتىندىگى تۋرالى ارىزىن بەردى. پرەزيدەنت ن.نازاربايەۆ ءوتىنىشتى قابىلدادى. سول كۇنى ك.ءماسىموۆ پرەزيدەنت اكىمشىلىگىنىڭ باسشىسى رەتىندە تاعايىندالدى.
پىكىر قالدىرۋ