ءماجىلىستىڭ الەۋمەتتىك-مادەني دامۋ كوميتەتىنىڭ ءتورايىمى گۇلنارا ىقسانوۆانىڭ  جەتەكشىلىگىندەگى كەزەكتى كەڭەيتىلگەن كوميتەت وتىرىسى ءوتتى. ونىڭ جۇمىسىنا ءماجىلىس ءتوراعاسىنىڭ ورىنباسارى داريعا نازاربايەۆا قاتىستى.

يننوۆاسيالىق سيفرلىق ءبىلىم بەرۋ Mozaik Education شەشىمىنىڭ تۇساۋكەسەرى (ۆەنگريا) جانە قازاقستان رەسپۋبليكاسىنىڭ باستاۋىش ءبىلىم بەرۋدىڭ مەملەكەتتىك جالپىعا مىندەتتى ستاندارت جوباسىنىڭ تانىستىرىلىمىن جاسادى.  «Mozaik Education» (ۆەنگريا) كومپانياسىنىڭ اتقارۋشى ديرەكتورىنىڭ ورىنباسارى پەتەر توروكتىڭ «مەكتەپ ۇنەمى وزگەرمەلى الەمدە تابىستى بولۋعا قابىلەتتى ادامدى دايىنداۋعا تالپىنىس جاسايدى»،-دەپ گارۆارد ۋنيۆەرسيتەتىنىڭ (اقش) پروفەسسورى توني ۆاگنەردىڭ  سوزىمەن باستاپ، اعىلشىن تىلىندە بايانداما جاسادى.

قولدانىستاعى ءبىلىم بەرۋ جۇيەسىنىڭ نەگىزگى كەمشىلىكتەرى نەدە؟ ءبىلىم بەرۋ مازمۇنى: ءمۇعالىمنىڭ دايىن اقپاراتتى وقۋشىعا بەرۋى؛ وقۋشىنىڭ پاندەر بويىنشا ءبىلىم، بىلىك جانە داعدىلاردى قاراپايىم دەڭگەيدە مەڭگەرۋگە باعدارلانۋى.

وقۋ ۇدەرىسىندەگى ءوزارا قىرىم-قاتىناس: ءمۇعالىم مەن وقۋشى اراسىنداعىسۋبەكتى-وبەكتىلىك قارىم-قاتىناستىڭ باسىمدىعى، ءمۇعالىم مەن وقۋلىقتى اقپاراتتىڭ نەگىزگى كوزى رەتىندە عانا قابىلدايتىن وقۋشىنىڭ ەنجار ءرولى:

وقىتۋ ناتيجەلەرى: وقۋشى ارەكەتىنىڭ رەپرودۋكتيۆتى دەڭگەيى، وقۋشىلاردىڭ مەڭگەرگەن پاندىك ءبىلىمى، بىلىكتىلىگى جانە داعدىلارىنىڭ سانىن باعالاۋ.

ورتا ءبىلىم بەرۋ مازمۇنى نەلىكتەن جاڭارتىلۋى كەرەك؟

ساراپشىلاردىڭ پىكىرى بويىنشا: ءبىرىنشى سەبەپ – ەكونوميكالىق. بالالاردىڭ ومىردە ءوز ورنىن تابۋعا ۇيرەتۋ كەرەك.

ەكىنشى سەبەپ – مادەني. بالالاردىڭ ءوز ۇلتىنا ءتان سەزىمىن دامىتۋعا ۇيرەتۋ كەرەك.

وسىلاردى ەسكەرە وتىرىپ ءبىلىم جانە عىلىم مينيسترلىگى «نازاربايەۆ زياتكەرلىك مەكتەپتەرى» دببۇ ى.التىنسارين اتىنداعى ۇلتتىق ءبىلىم اكادەمياسىمەن جاساعان قازاقستان رەسپۋبليكاسىنىڭ مەملەكەتتىك جالپىعا مىندەتتى باستاۋىش ءبىلىم بەرۋ ستاندارتىنىڭ  جوباسىن جاسادى.

تانىستىرىلىم بارىسىندا قازاقستان رەسپۋبليكاسى ءبىلىم

جانە عىلىم ۆيسە-مينيسترى ە. يمانعالييەۆ، «ح.جۇماتوۆ اتىنداعى گيگيەنا جانە ەپيدەميولوگيا عىلىمي ورتالىعى» رەسپۋبليكالىق مەملەكەتتىك قازىنالىق كاسىپورنى ديرەكتورىنىڭ ورىنباسارى ل. وراقباي،  اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى، پەداگوگيكا عىلىمدارىنىڭ دوكتورى  ءا. ءامىروۆا جانە  قازاقستان پەداگوگيكالىق عىلىمدار اكادەمياسىنىڭ  پرەزيدەنتى، پەداگوگيكا عىلىمدارىنىڭ دوكتورى                                   ا. قۇسايىنوۆتار ويلارىن ورتاعا سالدى.