كەشە وڭتۇستىك قازاقستان وبلىس اكىمىنىڭ ورىنباسارى ج.بوكەنبايەۆتىڭ توراعالىعىمەن جەر قويناۋىن پايدالانۋ سالاسىنداعى كۇردەلەنگەن ماسەلەلەردى تالقىلاۋ جونىندە دوڭگەلەك ۇستەل ءوتتى، دەپ حابارلادى وقو اكىمىنىڭ باسپا ءسوز قىزمەتىنەن. 

وبلىستىق تابيعي رەسۋرستار جانە تابيعات پايدالانۋدى رەتتەۋ باسقاراماسىنىڭ ۇيىمداستىرۋىمەن وتكەن جيىندا سالاعا جاۋاپتى مەملەكەتتىك ورگانداردىڭ قىزمەتكەلەرى مەن جەر قويناۋىن پايدالانۋشىلار جالپى سانى 150-گە جۋىق ادام قاتىستى.

ماجىلىستە وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى م.وتارشييەۆ جالپى وبلىستاعى جەر قويناۋىن پايدالانۋ سالاسىنداعى بۇگىنگى اقۋالدى بايانداپ، ءبىرقاتار اتقارىلىپ جاتقان جۇمىستارعا توقتالدى.

كەيىننەن، وبلىستىق مامانداندىرىلعان تابيعات قورعاۋ پروكۋرورى، جەر قاتىناستارى باسقارماسىنىڭ باسشىسى بايانداما جاساپ، جەر قويناۋىن پايدالانۋشىلار تاراپىنان ءجيى ورىن الاتىن زاڭ بۇزۋشىلىقتار، كەلىسىمشارت اۋماقتارىن وزەندەردىڭ سۋ قورعاۋ بەلدەۋىنەن شىعارۋ جانە جەر قويناۋىن پايدالانۋ ماقساتتارى ءۇشىن جەرلەردىڭ رەسىمدەلۋى جونىندە مالىمەت ۇسىندى.

سونداي-اق، وتىرىستا جەر قويناۋىن پايدالانۋ سالاسىندا كۇردەلەنگەن ماسەلەلەر جايى ايتىلىپ، ەكى تاراپتىڭ دا پىكىرلەرى مەن ۇسىنىستارى ەسكەرىلدى.

سونىمەن قاتار، جەر قويناۋىن پايدالانۋشىلارعا وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى مەن وبلىستىق مامانداندىرىلعان تابيعات قورعاۋ پروكۋراتۋراسىمەن بىرلەسىپ ازىرلەنگەن «جەر قويناۋىن پايدالانۋشىلار جادناماسى» تاراتىلىپ ۇلەستىرىلدى. جادنامادا جەر قويناۋىن پايدالانۋشىدا قانداي رۇقسات قۇجاتتار بولۋى قاجەتتىگى، مىندەتتەمەلەرى مەن جاۋاپكەرشىلىكتەرى كورسەتىلگەن.