وڭتۇستىك قازاقستان وبلىسىنىڭ ديقاندارى جىل ون ەكى اي پاۆلودارعا كوكونىس جەتكىزىپ تۇراتىن بولدى، - دەپ حابارلايدى Qamshy.kz 24.kz - كە سىلتەمە جاساپ.
ەسەسىنە ول جاقتان جىلىجايعا قاجەتتى ەكىباستۇزدىڭ كومىرى مەن ەلەكتر ەنەرگياسى تاسىمالدانادى. بۇل تۋرالى ەكى وبلىس باسشىسىنىڭ كەزدەسۋى بارىسىندا ايتىلدى. ءوڭىرارالىق ىنتىماقتاستىقتى نىعايتۋدى كوزدەگەن دەلەگاسيا قۇرامىندا 20-دان استام اۋىلشارۋاشىلىق جانە ءىرى تاۋار ءوندىرۋشى كاسىپورىن باسشىلارى بار. پاۆلودار جەراستى قازبا بايلىعىمەن ەرەكشەلەنسە، ماقتا تەك وڭتۇستىكتە عانا وسەدى. بۇل وڭىردەگى توقىما كلاستەرىنىڭ دامۋىنا سەپ بولۋدا. وندىرىسكە قاجەتتى ترانسفورماتور مەن مۇناي-حيميا سالاسىندا قولدانىلىپ جۇرگەن جەراستى سورعىلارى دا وڭتۇستىكتە جاسالادى. دەلەگاسيا مۇشەلەرى شىمكەنتتەگى يندۋستريالدى جانە «وڭتۇستىك» ارنايى ەكونوميكالىق ايماعىنداعى ءبىرقاتار كاسىپورىندى ارالادى. بيزنەس وكىلدەرى بىر-بىرىمەن پىكىر الماسىپ، ساۋدا-ساتتىقتى جۇيەلەۋگە ۋاعدالاستى. ساپار اياسىندا ونەركاسىپ، اۋىل شارۋاشىلىعى جانە الەۋمەتتىك-ەكونميكالىق سالالارىندا ىنتىماقتاسۋ تۋرالى مەموراندۋمعا قول قويىلدى.
نۇرلان ەرەجەپوۆ، كاسىپكەر (پاۆلودار):
- ءبىز زالالسىزداندىرۋ قۇرالدارىن وندىرەمىز. وقو-نىڭ بارلىق اۋداندارى، سونىڭ ىشىندە شىمكەنت، ارىس، كەنتاۋ، تۇركىستان جانە سارىاعاش قالالارى مەن بۇكىل اۋداندار ءبىزدىڭ ءونىمدى قولدانادى. بۇل كەزدەسۋ ءوڭىرارالىق ينتەگراسيا پروسەسىنە جاڭا سەرپىن بەرەدى دەپ سەنەمىن.
ساپاربەك تۇياقبايەۆ، وبلىس اكىمىنىڭ ورىنباسارى:
- ماقسات ەكى ءوڭىر اراسىنداعى تاۋار اينالىمدى جانە وتاندىق ءونىمدى قولداۋ باعدارلاماسى اياسىنداعى قولداۋلار كورسەتۋ. ارينە كوپ وڭىرلەردە ءتىپتى كورشى وڭىرلەردە ءوندىرىپ جاتقان تاۋارلاردى كاسىپكەرلەر بىلە بەرمەيدى. وسى ءىس-شارالاردىڭ ارقاسىندا سونىڭ ءبارى تانىستىرالتىن بولادى. وسى ءىس-شارا كاسىپكەرلەردىڭ قول جەتكىزە الماي جۇرگەن ءتۇرلى كەدەرگىلەرىنە شەشىم بولىپ تابىلادى.
