اتباسار قالاسىندا ەرىگەن قار سۋى 330 ءۇيدى باسىپ قالدى.

قالاداعى سۋ باسقان ۇيلەردەن 256 ادام ءقاۋىپسىز جەرگە كوشىرىلگەن، ولار مەكتەپتەرگە جايعاستىرىلدى. سۋ باسقان اۋداندارعا بەس باقىلاۋ تۇراعى ورناتىلدى.

دەگەنمەن قالا اۋماعىنان سۋ سورىلىپ جاتقاندىقتان، ونىڭ دەڭگەيى باسەڭدەپ جاتىر. "سۋدىڭ تۇرعىن ءۇي سەكتورىنىڭ قالعان بولىكتەرىن باسۋىنا جول بەرمەۋ ماقساتىندا جول توسەمىن اشۋ جونىندە جۇمىستار جۇرگىزىلدى، سونىڭ ناتيجەسىندە سۋ دەڭگەيى تومەندەدى، ەرىگەن قار سۋى قۇبىرلار ارقىلى ارىققا قۇيىلىپ جاتىر"، - دەپ حابارلادى باسپا ءسوز قىزمەتى.

اقمولا وبلىسىنىڭ استراحان اۋدانىندا ەرىگەن قار سۋى ەكى ءۇيدى باسقان. بۇل ۇيلەردەن توعىز ادام كوشىرىلدى. ال سەلينوگراد اۋدانىندا 46 ءۇي سۋ ورتاسىندا قالدى، 95 ادام كوشىرىلدى. شورتاندى اۋدانىندا جەرگىلىكتى پلوتيناداعى سۋ وتكىزەتىن اينالما قۇبىردىڭ جارىلىپ كەتۋ ءقاۋپى بايقالعان. "قازىرگى ۋاقىتتا بوگەت قالپىنا كەلتىرىلدى، پلوتينادا سۋ دەڭگەيى 40 سانتيمەترگە تومەندەدى. 59 ادام كوشىرىلدى"، - دەلىنگەن تجد باسپا ءسوز قىزمەتىنىڭ حابارلاماسىندا. بۇلاندى اۋدانىندا 30-دان استام تۇرعىن ءۇيدى، ساندىقتاۋ اۋدانىندا اۋىلدارعا اپاراتىن جولدى سۋ باسقان. Tengrinews.kz