زىريان اۋدانىنىڭ «احمەديانوۆا» كاسىپورنى كوپشىلىككە قازى، شۇجىق، جايا مەن بۇقتىرىلعان ەت سىندى ونىمدەر جاساۋمەن تانىمال. تەك ءداستۇرلى رەسەپت پەن تابيعي ونىمنەن جاسالعان ونىمدەرگە سۇرانىس بىرتىندەپ ارتىپ كەلەدى، - دەپ حابارلايدى Qamshy.kz.

بىرەر جىل بۇرىن ەت وڭدەيتىن كاسىپورنىن اشقان لاريسا احمەديانوۆا قازىرگى تاڭدا قازى، قارتا، شۇجىق سىندى 5 ءتۇرلى ءونىم ازىرلەيدى. «بيزنەستىڭ جول كارتاسى – 2020»  باعدارلاماسى بويىنشا 3 ملن تەڭگە نەسيە العان كاسىپكەر ازعانا ۋاقىتتا ساپالى ونىمدەرىمەن جەرگىلىكتى جەردە بىردەن تانىلعان. ايتا كەتەتىنى ەت ونىمدەرىن جاساۋ مەن قويمادا ساقتاۋ بارىسىندا تەك ءداستۇرلى ادىستەردى قولدانادى.

–بارلىق ءونىمدى تاپسىرىس بويىنشا ازىرلەيمىز. ءقازىر بۇقتىرىلعان ەتىمىزگە سۇرانىس جوعارى. سەبەبى ونىڭ قۇرامىندا بۇرشاق، سويا سىندى جاساندى قوسپالار جوق. ال ازىرلەگەن شۇجىقتى تۇتىنگە قاقتاۋ ءۇشىن تارحانكا اۋىلىنان بەلگىلى اعاشتاردىڭ جاپىراعى مەن ۇگىندىلەرىن الدىرامىز، – دەدى كاسىپورىن باسشىسى لاريسا احمەديانوۆا.

اۋدان نارىعىن قامتىعان كاسىپكەردىڭ ونىمدەرىن وسكەمەن قالاسىندا دا كوپتەپ تۇتىنادى. الداعى ۋاقىتتا تاعى بىرنەشە ەت ءونىمىنىڭ ءتۇرىن شىعارىپ، حالىققا ۇسىنۋدى جوسپارلاپ وتىرعانىن دا جەتكىزدى.