شقو-نا جۇمىس ساپارى اياسىندا كارىم ماسىموۆكە جەو-1 جوندەۋ بارىسى تۋرالى باياندالدى، دەپ حابارلايدى pm.kz.

«نۇرلى جول» باعدارلاماسى اياسىندا جىلۋمەن قامتاماسىز ەتۋ نىساندارىنا جوندەۋ جۇرگىزىلىپ جاتىر، ونى جۇزەگە اسىرۋ ايماقتا جىلۋ بەرۋشىلەردىڭ باستاپقى كەزەكتەگى مىندەتىنە جاتادى.

سەمەيدە ق ر پرەمەر-مينيسترى كارىم ماسىموۆكە قالانىڭ ەڭ ءىرى جىلۋ كوزدەرىنىڭ ءبىرى جەو-1 جوندەۋ بارىسى تانىستىرىلدى.

قۋاتى 342 گكال/ساع بولاتىن جەو-1 تۇرىن ۇيلەردىڭ 70% جانە سول جاق جاعالاۋدىڭ اكىمشىلىك عيماراتتارىن - 324 مىڭ كوپ قاباتتى ءۇيدى، 41 الەۋمەتتىك نىساندى، 21 974 تۇرعىندى جىلۋمەن قامتاماسىز ەتەدى. جىلۋ جەلىلەرىنىڭ ۇزىندىعى - 86،3 كم.

سەمەيدىڭ جىلۋمەن قامتاماسىز ەتۋ جاعدايى تۋرالى وبلىس اكىمى د. احمەتوۆ باياندادى. ول ماسەلەنى شەشۋ ءۇشىن جاڭا جەو سالۋ كەرەكتىگىن اتاپ ءوتتى. جوبا ازىرلەۋ جانە كەلىسۋ كەزەڭىندە تۇر.

ەسكە سالا كەتسەك، سەمەيدىڭ 17 جىلۋ كوزى كەستە بويىنشا قىسقا دايىندالىپ جاتىر. سەمەيدە «نۇرلى جول» باعدارلاماسى بويىنشا جالپى 3 ملرد 45 ملن تەڭگە سوماعا 10 جوبا جۇزەگە اسىرىلۋدا.

«نۇرلى جول» ينفراقۇرىلىمدىق دامۋدىڭ 2015-2019 جىلدارعا ارنالعان مەملەكەتتىك باعدارلاماسى قازاقستان رەسپۋبليكاسى پرەزيدەنتىنىڭ 2015 جىلعى 6 ساۋىردەگى جارلىعىمەن بەكىتىلگەن. باعدارلامانىڭ ماقساتى - قازاقستاننىڭ ۇزاق مەرزىمدى ەكونوميكالىق ءوسىمىن قامتاماسىز ەتۋ ءۇشىن ماكرووڭىرلەردى ىقپالداستىرۋ نەگىزىندە حابتىق قاعيدا بويىنشا ءبىرىڭعاي ەكونوميكالىق كەڭىستىك قالىپتاستىرۋ.

«ساۋلەلى» قاعيدا بويىنشا ءتيىمدى كولىك-لوگيستيكالىق ينفراقۇرىلىم قۇرۋ «نۇرلى جول» باعدارلاماسىنىڭ باستى مىندەتتەرىنە جاتادى.

2015 جانە 2019 جىلدار ارالىعىندا كولىك سالاسىنداعى 16 جوبانى جۇزەگە اسىرۋ كوزدەلگەن.