وڭتۇستىك قازاقستان وبلىسى شاردارا اۋدانى شارۋالارى بيىل باۋ-باقشادان مول ءونىم الىپ وتىر، - دەپ حابارلايدى Qamshy.kz.
اۋدان بويىنشا وسى ماۋسىمدا 59 مىڭ گەكتار جەرگە اۋىل شارۋاشىلىعى ونىمدەرى ەكسە، سونىڭ 11 مىڭ گەكتارعا جۋىعى باۋ-باقشا داقىلدارى بولىپ تابىلادى. اسىرەسە، كۇننىڭ كوزى جىلىنىسىمەن ەگىستىك القاپقا شىعىپ كەتكەن ديقاندار قاۋىمى قاۋىن-قاربىز سەكىلدى ەرتە پىسەتىن ونىمدەرىن پۇلداپ ۇلگەردى.
ديقانداردىڭ ەڭبەگى كەلتىرىلگەن دەرەكتەرگە قاراعاندا، اۋداندىق اۋىلشارۋاشىلىعى جانە جەر قاتىناستارى ءبولىمىنىڭ مالىمەتىنە سايكەس، بۇگىنگى تاڭعا دەيىن شاردارالىق شارۋالاردىڭ 3338 گەكتار ەگىس القابىنان 83450 توننا قاۋىن-قاربىز ساتىلىمعا شىعارىلعان ەكەن. ونىڭ ىشىندە، ءوزىمىزدىڭ نارىقتان بولەك، 50 000 تونناسى رەسەي مەملەكەتىنە ەكسپورتتالسا، قالعانى ءوزىمىزدىڭ سولتۇستىك وبلىستارعا جونەلتىلىپتى.
ديقانداردىڭ ايتۋىنشا، بيىل ەگىستىك ونىمدەرى مول بولعان. وعان بيىلعى اۋا رايى دا وتە قولايلى بولىپ تۇرىپتى. سونىڭ ارقاسىندا بىتىك شىققان ەگىن ديقانداردى مول ازىققا كەنەلتكەن. ەندى وڭتۇستىكتىك ديقاندار ەگىستىك القاپتارىنىڭ كۇتىمىن ۇنەمى جاساپ وتىرۋدى قولعا الماق.
مامانداردىڭ ەسەبى بويىنشا گەكتارىنان ورتاشا 250 سەنتنەردەن ءونىم العان اۋدان ديقاندارىنىڭ كوڭىلدەرى توق دەپ ايتۋعا بولادى. سەبەبى ەندى باستالعان ءونىم الۋ ماۋسىمى ءالى ءبىرازعا جالعاساتىنى بەلگىلى. باۋ-باقشا ونىمدەرىنىڭ باسىم بولىگى ەندى ءپىسىپ جاتقانىن ەسكەرسەك، بۇل كورسەتكىش كۇن سايىن ارتا تۇسەتىنى بەلگىلى. بويىنشا وسى ماۋسىمدا 59 مىڭ گەكتار جەرگە اۋىل شارۋاشىلىعى ونىمدەرى ەكسە، سونىڭ 11 مىڭ گەكتارعا جۋىعى باۋ-باقشا داقىلدارى بولىپ تابىلادى.
