ءامىرحانتانۋ - ءححى عاسىر قازاق ادەبيەتىن الەمگە تانىتار جول! ءامىر كوكە الەمگە قازاقتىڭ ءۇنىن جەتكىزۋدى جان تانىمەن ارمانداپ ءوتتى. سوعان قۇلشىنىس كەرەك. ءامىرحانتانۋ - ادەبيەتكە، شىن ادەبيەتكە ورالۋ! ءامىرحاندى تانىعىمىز كەلسە، ءبىلىمدى، بىلىكتى بولۋدى ۇيرەنۋىمىز كەرەك! "قادىر مىرزا ءاليدىڭ «ءيىرىمى» مەن ءماعاۋيننىڭ «مەنىن» وقىپ بىتكەن كۇنى حابارلاسىپ: «ءبىز باتىس قالامگەرلەرىن جاقسى تانيمىز. ءوزىمىزدى بىلمەيمىز. ويتكەنى ولسەكتە پەندەلىگىمىزدى، كەم-كەتىگىمىزدى مويىنداعىمىز كەلمەيدى»، - دەپ ەدى-اۋ... راس، ىزدەنگەن جاسقا انرە مورۋانىڭ كىتابىن قولعا تيگىزسە ءبىتتى، باتىس ادەبيەتىن جاساعان ءىرى تۇلعالاردىڭ تاعدىرى كۇبىرلەپ، سويلەي جونەلەدى. ال، بىزدە شە؟ بىزدە قازاق قالامگەرلەرىن تانۋدىڭ ادەبي ينستيتۋتى قالىپتاستى ما؟ جوق. ءبىز ءالى ابايتانۋدىڭ شەگىندە ءجۇرمىز. ونىڭ وزىندە دە م. اۋەزوۆ باستاعان ابايتانۋشىلاردىڭ ءداستۇرلى، كلاسسيكالىق نۇسقاسىنىڭ قامالىندا وتىرمىز. وسى جايت امىرمەن ارامىزداعى اڭگىمەگە ءجيى وزەك بولا بەرەۋشى ەدى. ەندەشە ءبىزدىڭ بۋىن، ءامىرحاننىڭ قاعاناتىندا قاناتى قاتايعان كەيىنگى تولقىن قازاق ادەبيەتىندە بار ەكەنىن ءامىرحانتانۋدان باستاۋى كەرەك شىعار"
