بيىلعى جىلعى مول جاۋىن شاشىن شارۋاعا جايلى بولدى. سونىڭ ارقاسىندا سوزاقتا مال ازىعىن دايىنداۋ ەكىپىندى ءجۇرىپ جاتىر،-دەپ حابارلايدى Qamshy.kz.    

اۋدان كولەمىندە ءشوپ شۇيگىن شىعىپ، جەردىڭ ىرىسى ارتىپ تۇر ەكەن. قازىرگى تاڭداعى شارۋالاردىڭ الدىندا تۇرعان مىندەت، قىستىڭ كۇنىنە ەرتەراق قامدانۋ عانا قالدى. سوندىقتان دا مال ازىعىن دايىنداۋ قىزۋ جۇرگىزىلىپ جاتىر.

اۋداندىق اۋىل شارۋاشىلىعى جانە جەر قاتىناستار ءبولىمىنىڭ باسشىسى ءا. ساحي ۇلى: «جەر انا مەيرىمىن توگىپ، سوڭعى 30-40 جىلدا بولماعان ءونىمىن بەرۋدە. مول بايلىققا كەنەلگەندەي بولدىق. جىلدا ءتالىمي جەردە جوڭىرشقالىق ءبىر-اق رەت ورىلاتىن. ال، ءقازىر ەكىنشى ورىمى ءجۇرىپ جاتىر» -دەيدى.

جىل باسىنان بەرى مول تابىسقا كەنەلگەن وڭتۇستىك قازاقستان قازاقستان وبلىسىنىڭ سوزاق اۋدانىنىڭ اۋىل شارۋشالىعى شارۋالارى 100 تونننادان جوعارى ءونىم الىپ، اۋداننىڭ اتىن رەسپۋبليكاعا تانىتىپ ۇلگەردى.

جىل باسىندا بيىلعى جىلى 113 مىڭ توننا سوياۋلى ءشوپ دايىنداۋ جوسپارى بولاتىن. ءقازىر 84 342 توننا مال ازىعى دايىندالىپ ۇلگەردى. ءشوپ ورۋ ناۋقانى اياقتالعانشا جىلداعىدان 1،5 ەسە مول ءونىم الىنادى دەپ كۇتىلۋدە. وسىلايشا جىلداعىمەن سالىستىرعاندا ەسەلەپ ءونىم الىپ جاتقان شارۋالار الا جازدايعى ەڭبەكتەرىنىڭ اقتالعانىنا قۋانىشتى. بيىلعى جىلدىڭ جاۋىن-شاشىنى شاۋاعا جايلى بولىپ، وسىلايشا شارۋالار جەر انادان قانشاما ەسەلەپ ءونىم الىپ جاتىر. جاقسىلىققا تولى جىلدان مول ءونىم كۇتكەن شارۋالار بۇل جىلى جىلداعىدان ءتىپتى ەرەكشە ەكەنىن ماقتانىشپەن جەتكىزدى.