وڭتۇستىك قازاقستان وبلىسى شاردارا اۋدانى بويىنشا بيىلعى جىلى 59335 گەكتار جەرگە اۋىلشارۋاشىلىعى داقىلدارى ەگىلدى، - دەپ حابارلايدى Qamshy.kz
سونىڭ ىشىندە 10 836،4 گەكتار القاپقا باۋ-باقشا داقىلدارى ورنالاستىرىلدى. اسىرەسە، كۇننىڭ كوزى جىلىنىسىمەن ەگىستىك القاپقا شىعىپ كەتكەن ديقاندار قاۋىمى قاۋىن-قاربىز سەكىلدى ەرتە پىسەتىن ونىمدەرىن پۇلداپ ۇلگەردى. ديقانداردىڭ بولۋىنشا، بيىلعى ونىمنەن مول تابىسقا كەنەلۋ مۇمكىندىگى تۋىپ وتىر. اۋداندىق اۋىلشارۋاشىلىعى جانە جەر قاتىناستارى ءبولىمىنىڭ مالىمەتىنە سايكەس، بۇگىنگى تاڭعا دەيىن شاردارالىق شارۋالاردىڭ 3338 گەكتار ەگىس القابىنان 83450 توننا قاۋىن-قاربىز ساتىلىمعا شىعارىلعان ەكەن.
مۇنىڭ ىشىندە 50 000 تونناسى رەسەي مەملەكەتىنە جىبەرىلسە، قالعانى ءوزىمىزدىڭ سولتۇستىك وبلىستارعا جونەلتىلدى. مامانداردىڭ ەسەبى بويىنشا، گەكتارىنان ورتاشا 250 سەنتنەردەن ءونىم العان اۋدان ديقاندارىنىڭ كوڭىلدەرى توق دەپ ايتۋعا بولادى. ديقانداردىڭ ايتۋىنشا، باۋ-باقشا ونىمدەرى بيىلعى جاۋىندى كقكتەم ماۋسىسىنىڭ ارقاسىندا مول ءونىم بەرىپ وتىر ەكەن. باۋ-باقشا ونىمدەرىنىڭ باسىم بولىگى ەندى ءپىسىپ جاتقانىن ەسكەرسەك، بۇل كورسەتكىش كۇن سايىن ارتا تۇسەتىنى بەلگىلى.كۇننىڭ كوزى جىلىنىسىمەن ەگىستىك القاپقا شىعىپ كەتكەن ديقاندار قاۋىمى قاۋىن-قاربىز سەكىلدى ەرتە پىسەتىن ونىمدەرىن پۇلداپ ۇلگەردى.
اۋداندىق اۋىلشارۋاشىلىعىنا ۇلەس قوسىپ وتىرعان شارۋالار بۇگىندلە وڭتۇستىك قازاقستان وبلىسىنىڭ شاردارا اۋدانىنىڭ ونىمدەرىن سۇرانىسقا يە قىلىپ وتىر. ديقانداردىڭ ايتۋىنشا، وزگە وبلىستارعا جونەلتىلگەن ونىمدەر ءارقاشان سۇرانىسقا يە بولىپ وتىر ەكەن.
