مەنىڭ انتيەۋرازيالىق فورۋمعا قاتىسپاۋىم تۋرالى ساۋالدار كەپ جاتىر. جانە دە كەيبىر ب ا ق ودان ءبىر ۇلكەن ساياسات ىزدەپ جاتقان سەكىلدى. جاۋاپ بەرەيىن: جۇرت مەنىڭ ەۋرازيالىق وداققا قاتىستى ءپرينسيپتى پوزيسيامدى بەسەنەدەن بىلەدى. ودان ايني قويعان جوقپىن. كەرىسىنشە، رەسەيدىڭ ۋكرايناعا قاتىستى باسقىنشىلىق ساياساتى مەنىڭ ول ويىمدى ودان سايىن بەكىتە ءتۇستى. فورۋمنىڭ ۇيىمداستىرۋ كوميتەتىنە قاتىستىم.. ءبىراق تا 12 ساۋىردەن بۇرىن جوسپارلاپ قويىلعان وتباسىلىق ءبىر شارۋا بار ەدى. ناقتى ايتسام، اتىراۋداعى تۋىستارىمنىڭ ءبىر ۇلكەن ساداقا-اسى بار-تىن. وتباسىممەن سوندا بوپ قايتتىم. جانە دە ۇيىمداستىرۋ كوميتەتىنەگى ارىپتەستەرىمنەن رۇقسات تا سۇراپ العانمىن. سوندىقتان فورۋمعا قاتىسپاۋ فاكتىسىنەن ەشقانداي دا ساياسات ىزدەمەۋلەرىڭىزدى سۇرايمىن. فورۋم قارساڭىندا "ادامبول" جۋرنالى مەن "نوۆايا گازەتا" باسىلىمدارىندا ەۋرازيالىق وداققا قاتىستى ويلارىمدى اشىق تا جۇيەلى تۇردە جەتكىزۋگە تىرىستىم. سونى فورۋمدا ايتىلۋى ءتيىس ءسوزىم دەپ قابىلداڭىزدار! ماسەلە ءبىر فورۋمممەن بىتپەيدى عوي. قازاقستاننىڭ شىنايى تاۋەلسىزدىگىن قورعاۋ جولىندا الدا ءالى باسقا دا شارۋا بار. سوندا بىرگە بولايىق، اعايىن!