140 وتانداسىمىز باتۋمي قالاسىنان قازاقستانعا ۇشا الماي وتىر، - دەپ حابارلايدى Qamshy.kz 24.kz - كە سىلتەمە جاساپ.

جولاۋشىلار 26 تامىزدا ۇشىپ، ەلگە ورالۋعا ءتيىس ەدى. تاسىمالداۋشى Skybus كومپانياسىنىڭ باس ديرەكتورى الەكساندر بەلوبورودوۆتىڭ حابارلاۋىنشا، رەيستى ورىندايتىن ۇشاق قۇراستىرىلعان كەزدە قاتەلىكتەر بولىپ، تەحنيكادا اقاۋ بار ەكەندىگى انىقتالدى. ەندى Skybus وسى اقاۋدى ءوز ەسەبىنەن جوندەمەك. ءقازىر كومپانيا باسقا اۋە كومپانيالارىمەن ۇشاقتى جالعا الۋ جونىندە كەلىسسوز جۇرگىزىپ جاتىر. ءبىراق دەمالىس كۇندەرى بانكتەر ىستەمەگەندىكتەن، ونى جالداۋ مۇمكىن ەمەس كورىنەدى. بارلىق جولاۋشىلار قوناقۇيگە ورنالاستىرىلدى.

- قوناقۇيدەن اۋەجايعا بەت الدىق. الايدا ۇشاق كوككە كوتەرىلمەيدى دەگەن حابار جەتتى بىزگە. سودان بەرى 2 كۇن ءوتتى. ءالى سەبەبىن ايتقان جوق. تۋريستىك وپەراتورلاردان دا حابار جوق. ءباتۋميدىڭ جەرگىلىكتى تۋروپەراتورى «مۇمكىن ەرتەڭ كەشكە ۇشاسىزدار» دەدى. ازىرگە ءبىز قوناقۇيدە جاتىرمىز. ىستىق تاماق بەرىلىپ جاتىر، - دەيدى قازاقستاندىق تۋريست ۆيتاليي نەسىپبايەۆ.

ايتا كەتەيىك، مۇنداي وقيعا تامىزدىڭ باسىندا بولعان. 50-دەن استام ادام گرۋزيا ەلىنەن قازاقستانعا ۇشا الماعان. باتۋمي-استانا جانە باتۋمي- اتىراۋ/اقتوبە رەيستەرى ورىندالمادى.