بۇگىن ماجىلىستە پالاتا سپيكەرى قابيبوللا جاقىپوۆتىڭ توراعالىعىمەن وتكەن جالپى وتىرىستا قىلمىستىق ءىس جۇرگىزۋ كودەكسىنىڭ جوباسىن ىلەسپە تۇزەتۋلەرىمەن كەيبىر كونستيتۋسيالىق زاڭدارىنا جانە ءبىرقاتار زاڭنامالىق اكتىلەردى ەكىنشى وقىلىمدا ماقۇلدادى.
كودەكس جوباسىمەن جۇمىس بارىسىندا دەپۋتاتتار قورعاۋشىنىڭ، تەرگەۋ سۋدياسىنىڭ وكىلەتتىكتەرىن كەڭەيتۋگە، قىلمىستىق سوت ءىسىن جۇرگىزۋدە تاراپتاردىڭ جارىسپالىلىعى مەن تەڭ قۇقىلىعىن كۇشەيتۋگە، سونداي-اق، جوبانىڭ جەكەلەگەن نورمالارىن جەتىلدىرۋگە باعىتتالعان ءبىرقاتار تۇزەتۋلەر ەنگىزىلگەنىن اتاپ ءوتتى ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ مۇشەسى رامازان سارپەكوۆ.
ازاماتتاردىڭ قىلمىستىق پروسەستەگى قۇقىقتارىن كۇشەيتۋ ماقساتىندا كۋانىڭ، جابىرلەنۋشىنىڭ ايعاقتارىن ساقتاۋعا بەرۋ كەزىندە تاراپتاردىڭ بىردەي قاتىسۋ جاعدايلارىنا كەپىلدىك بەرەتىن نورما ۇسىنىلدى.
سالالىق كوميتەت 60 جۇمىس توبىنىڭ وتىرىسىن وتكىزىپ، قازاقستان رەسپۋبليكاسى باس پروكۋراتۋراسىنىڭ، جوعارعى سوتتىڭ، كونستيتۋسيالىق كەڭەستىڭ، قۇقىققورعاۋ ورگاندارى، مينيسترلىكتەر مەن ۆەدومستولاردىڭ، سونىمەن بىرگە ۇكىمەتتىك ەمەس ۇ»يىمداردىڭ وكىلدەرىنىڭ قاتىسۋىمەن وتىرىستاردا دا تالقىلاندى.
كودەكس جوباسىنىڭ ەرەجەلەرى، سونداي-اق، استانا قالاسىنىڭ سوتىندا، استانا قالاسىنىڭ پروكۋراتۋراسىندا، رەسپۋبليكالىق ادۆوكاتتار القاسىندا، استانا قالاسىنىڭ ىشكى ىستەر دەپارتامەنتىندە جانە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارناۋلى ەسەپكە الۋ كوميتەتىندە بولعان وتىرىستاردا دا تالقىلاندى.
«قازاقستان رەسپۋبليكاسىنداعى سايلاۋ تۋرالى»، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى»، «قازاقستان رەسپۋبليكاسىنىڭ كونستيتۋسيالىق كەڭەسى تۋرالى»، «قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى» جانە «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋسيالىق زاڭدارىنا تۇزەتۋلەر ەنگىزىلىپ وتىر، ولار قىلمىستىق-پروسەستىك كودەكس جوباسىنا سايكەس كەلتىرۋگە باعىتتالعان.
سونىمەن بىرگە زاڭنامالىق اكتىلەرىنە قىلمىستىق ءىس جۇرگىزۋ زاڭناماسىن جەتىلدىرۋ ماسەلەلەرىنە جاڭالىقتار ەنگىزۋ ماسەلەسى بويىنشا زاڭنامالىق اكتى دە ەكىنشى وقىلىمدا ماقۇلداندى.
parlam.kz
