دەنساۋلىق ساقتاۋ ءمينيسترى س. قايىربەكوۆا، 

الماتى قالالىق دەنساۋلىق ساقتاۋ باسقارماسى نازارىنا!

    ەلىمىز تاۋەلسىزدىك العالى جيىرما جىلدان استام ۋاقىت ءوتتى. از با،  كوپ پە، ءبىراق تاريحتىڭ قاتپارىنا كەتكەن كسرو-نىڭ سارقىنشاقتارىن تازارتاتىن ۋاقىت الدەقاشان جەتكەن سەكىلدى ەدى. الايدا، بۇل  «جاڭالىق» ەلىمىزدەگى  ەڭ بەدەلدى وقۋ  ورداسى قازۇۋ-دى اينالىپ وتكەندەي. سەبەبى، قازۇۋ ستۋدەنتتەر ەمحاناسىنىڭ مورىندە  ءالى كۇنگە  دەيىن  قازسسر دەگەن  جازۋ تۇر. ناقتىراق  ايتقاندا، تاۋەلسىزدىكتىڭ 23 جىلىندا ءمور اۋىستىرىلماعان. جانە  وسى ۋاقىتقا دەيىن بۇل ماسەلەگە نەمقۇرايلى قاراپ كەلە  جاتىر. بۇل تۋرالى ۋنيۆەرسيتەت ستۋدەنتى اسىلزات التاي:  «بۇل ماسەلە ستۋدەنتتەر اراسىندا وسىدان بىر-ەكى جىل بۇرىن دا كوتەرىلىپ جابۋلى قازان جابۋلى كۇيىندە قالعان بولاتىن. وسىنداي نەمقۇرايلىققا جول بەرىپ وتىرعان مەكەمەنىڭ عانا ەمەس، ءبارىمىزدىڭ دە كىنامىز بار. ال وقۋ ورنى تۇرعىسىنان العاندا، مۇنداي سوراقىلىق ەلدەگى كوسباسشى وقۋ ورنى دەگەن اتىنا سىن. ەكىنشى جاعىنان وسىنىڭ استارىنادا بەلگىلى ءبىر جىمىسقى پيعىل جاتقان جوقپا دەگەن جامان وي قىلاڭ بەرەدى»، - دەيدى.

    شىنداپ كەلگەندە باسقا مەملەكەتتە مۇنداي جايتتار اۋىر قىلمىس بولىپ ەسەپتەلەدى.  بۇل كونستيتۋسياعا قايشى. اتا زاڭدا  «ەگەمەندى مەملەكەت»، قازاقستان رەسپۋبليكاسى دەپ تايعا تاڭبا باسقانداي ەتىپ جازىلعان. سوندا 23 جىلدان بەرى ءسسسر-دىڭ ءمورىن پايدالانىپ كەلگەن ستۋدەنتتەر ەمحاناسىنا «مۇنىڭ نە؟»  دەگەن ەشكىم تابىلماعان با؟ باسقاسىن بىلاي قويعاندا، قازاقستاننىڭ جاس تالىمگەرلەرىنە، بولاشاق ەل يەلەرىنە دەنساۋلىق انىقتاماسىن بەرەتىن ورتالىقتىڭ بۇلاي ىستەۋى نەدەن دەرەك بەرەدى؟

 سوندىقتان،   الماتى  قالاسى  دەنساۋلىق ساقتاۋ  باسقارماسى جانە قازۇۋ باسشىلىعىنا  بۇل كەلەڭسىزدىكتى جويۋ كەرەكتىگىن ەسكەرتەمىز. زاڭدى، جاريالى تۇردە جاۋاپ بەرۋلەرىڭىزدى سۇرايمىز!