بۇگىن ماجىلىستە پالاتا سپيكەرى قابيبوللا جاقىپوۆتىڭ توراعالىعىمەن وتكەن جالپى وتىرىستا دەپۋتات سۆەتلانا رومانوۆسكايا قازاقستان رەسپۋبليكاسىنىڭ پرەمەر-مينيسترى ك.ماسىموۆكە دەپۋتاتتىق ساۋال جولدادى.

«مەنىڭ دەپۋتاتتىق ساۋالىما قازاقستان مەن رەسەيدىڭ بۇقارالىق اقپارات قۇرالدارىندا تاراتىلعان مالىمەت سەبەپ بولىپ وتىر.

ولاردىڭ دەرەكتەرىنە سايكەس 2014 جىلدىڭ 7 ساۋىرىنەن باستاپ رەسەيگە مال دارىگەرلىگى جانە فيتوسانيتاريا سالاسىنداعى فەدەرالدىق باقىلاۋ-قاداعالاۋ ورگانىمەن اۆستراليادان اكەلىنەتىن توڭازىتىلعان سيىر ەتىن جەتكىزۋگە تىيىم سالىندى. بۇل ءونىمنىڭ قۇرامىندا ءىرى قارا مالدىڭ تابەتىن كۇشەيتەتىن جانە بۇلشىق ەتتىڭ تەز وسۋىنە باعىتتالعان، كەدەن وداعىنىڭ نورمالارىمەن تىيىم سالىنعان قۋاتتى سينتەتيكالىق ستەرويد - ءوسۋ گورمونى ترەنبولوننىڭ تابىلۋىنا بايلانىستى. سونىمەن قاتار، اۆستراليا قازاقستان رەسپۋبليكاسىنىڭ ەڭ ءىرى جەتكىزۋشىلەرىنىڭ ءبىرى بولىپ كەلەدى جانە كەيبىر مالىمەتتەر بويىنشا 2013 جىلى 3،5 مىڭ. توننانى قۇرادى.

جوعارىدا ايتىلعانعا وراي سىزدەن كەلەسىدەي مالىمەتتەردى بەرۋىڭىزدى سۇرايمىن:

1.            مال سويۋ جانە ەت ونىمدەرىنىڭ ساپاسىن باقىلايتىن ۋاكىلەتتى مەملەكەتتىك ورگان تۋرالى؛

2.            قازاقستان رەسپۋبليكاسىنىڭ اۋماعىنا اكەلىنەتىن مال سويۋ جانە ەت ونىمدەرىنە قويىلاتىن قاۋىپسىزدىك تالاپتاردىڭ ساقتالۋىن قامتاماسىز ەتۋگە باعىتتالعان ۋاكىلەتتى ورگاننىڭ شارالارى تۋرالى؛

3.            يمپورتتالاتىن ەتتىڭ قۇرامىنان ءقاۋىپتى جانە تىيىم سالىنعان مال دارىگەرلىك دارى-دارمەكتىڭ، مالدىڭ ءوسۋىن تەزدەتەتىن ىنتالاندىرۋشىلاردىڭ، سونىڭ ىشىندە ترەنبولون گورمونىنىڭ قالدىقتارىن تابۋعا مۇمكىندىگى بار قازاقستان رەسپۋبليكاسىندا تىركەۋدەن وتكەن جانە اتتەستاتتالعان زەرتحانالاردىڭ ءتىزىمى؛

4.            2013 جىلى قازاقستان رەسپۋبليكاسىنىڭ اۋماعىنا ەت اكەلىمى كەزىندە (سونىڭ ىشىندە اۆستراليادان) كەدەن وداعىنىڭ تەحنيكالىق رەگلامەنتتەرى تالاپتارىنىڭ بۇزىلۋ فاكتىلەرى جانە ونىڭ ودان ءارى ساتىلۋىن بولدىرماۋ ماقساتىندا جاسالعان ىس-ارەكەتتەر تۋرالى.»

ساۋلە دوسجانوۆا