«قازاقستاندا رەسەيدىڭ ءۇش بانكى - "سبەربانك"، ۆتب جانە "الفا-بانك" ەندى ەنشىلەس بولىمشەلەرى ارقىلى جۇمىس ىستەيدى.

   ءۇش بانك تە نەسيەلەندىرۋ نارىعىنداعى ۇلەسىن كوبەيتىپ، دەپوزيتتىك بازاسىن كەڭەيتۋگە كۇش سالىپ وتىر. ەگەر بىلتىر ەلدەگى بارلىق بانكتەردىڭ دەپوزيت كولەمى ورتا ەسەپپەن 16 پايىزعا وسسە (ءبىراق جەتى بانكتىڭ سالىمشىلارىنىڭ كوبى دەپوزيتتەرىن قايتارىپ الدى)، رەسەيلىك ءۇش بانك سالىم كولەمى 90-100 پايىزعا ارتقانىن حابارلادى. ءۇش بانكتىڭ ءبىر جىلدا بەرگەن نەسيەسىنىڭ جيىنتىق كولەمى 35 پايىزعا وسكەن. ءبىراق بۇل ءۇش بانكتىڭ نەسيە قورجىنىنداعى قايتارۋ مەرزىمى ءوتىپ كەتكەن نەسيەلەر ۇلەسى قازاقستاننىڭ بانك جۇيەسىنەن كوپ تومەن»دەپ حابارلايدى «ازاتتىق» راديوسى.

بۇل نەنى كورسەتەدى؟

بۇل رەسەيدىڭ قازاقستاندى ءوزىنىڭ بانكتەر جۇيەسى ارقىلى جاۋلاپ الۋدى باستاپ كەتكەنىن كورسەتەدى. ونىڭ ۇستىنە قازاقستانداعى ەكىنشى دەڭگەيدەگى بانكتەردىڭ جاعدايىنىڭ ناشار ەكەنىن، حالىققا نەسيە بەرۋگە قابىلەتسىز ەكەنىن بۇگىنگى بيلىكتىڭ ءوزى مويىنداپ وتىر. قاي مەملەكەتتىڭ دە نەگىزىگى تىرەگى - ەكونوميكا. قازاقستان ەكونوميكاسىن بۇگىندەرى بانكتەرى جاۋلاپ الىپ جاتسا، ەرتەڭ ەلىمىزدى ساياسي جاعىنان جاۋلاپ الۋ باستالادى دەگەن ءسوز.  رەسەيلىك بانكتەردىڭ بارلىعى حالىققا نەسيەنى وزدەرىنىڭ رۋبلىمەن بەرە باستاسا، ەلدى ەكونوميكالىق تۇرعىدان جاۋلاپ الۋ ەمەي، نەمەنە؟

ءقازىردىڭ وزىندە قازاقستان ازاماتتارى پايىزدىق كورسەتكىشى تومەن رەسەي بانكتەرىنە جۇگىنۋدى باستاپ كەتكەنىن سول "ازاتتىق» رادوسى ءوز بەتتەرىندە جازىپ جاتىر.

مىنا ءبىزدىڭ بيلىكتىڭ  نەگە «ەۋرازيا وداعىنا» سونشا «قۇمارتىپ» وتىرعاندارىنىڭ ارتىندا نە تۇرعانىن ەندى تۇسىنۋگە بولادى.

مەملەكەت باسشىسىنىڭ قانشا جەردەن: «ءبىز تاۋەلسىزدىگىمىزدەن ايرىلمايمىز» دەپ جار سالعانىمەن، ەلىمىز بىرتىندەپ تاۋەلسىزدىگىنىڭ تىزگىنىن ماسكەۋگە  بەرىپ جاتقانىن قازاقستاندى قاپتاپ كەتكەن رەسەي بانكتەرىنەن بايقاۋ ونشالىقتى قيىنعا تۇسپەيدى.

  سوناۋ ءحۇىىى عاسىردا پارتشالىق رەسەي قازاقستاندى جاۋلاپ الۋدى قازاقتىڭ اۋقاتتىلارىنا پايىزدىق كولەمى تومەن نەسيەلەر، اقشالار ۇلەستىرۋمەن باستاعانى جونىندە كەزىندە «الاش» كوسەمدەرى از جازعان جوق بولاتىن. مىنە، ءححى عاسىردا دا سول رەسەي قازاقستاندى وتارلاۋدى وزدەرىنىڭ بانكتەرىمەن باستاپ كەتكەندەي اسەر ەتەدى.

جۇماش كەنەباي