ءانشى ديانا شاراپوۆا گولوۆكيننىڭ برۋكپەن وتەتىن جەكپە-جەگى قارساڭىندا قازاقستاندىق بوكسشىعا قولداۋ كورسەتۋ ءۇشىن Gena King انىنە بەينەبايان ءتۇسىردى، - دەپ حابارلايدى Qamshy.kz Tengrinews.kz - كە سىلتەمە جاساپ.

بەينەكليپكە ريوداعى وليمپيادا ويىندارىنىڭ قاتىسۋشىلارى تۇسكەن. ولاردىڭ اراسىندا وليمپيادا ويىندارىنىڭ كۇمىس جۇلدەگەرى ەلدوس سمەتوۆ، تاەكۆوندوشى رۋسلان جاپاروۆ، بوكسشى ولجاس ساتتىبايەۆ، سونداي-اق جۇزۋدەن رەكورد ورناتقان ءزۇلفيا عابيدۋللينا بار.

بەينەباياندى ءتۇسىرۋ كەزىندە ديانا شاراپوۆا جۇدىرىقپەن جاتتىعىپ، سەكىرتپەمەن جانە بالعامەن ءتۇرلى جاتتىعۋلار جاسايدى. "نۇسقاۋشىم مەنىڭ سالماعى 15 كەلى بولاتىن بالعانى الىپ،"كاماز-دى" ۇرا باستاعانىمدى كورىپ، تاڭعالدى. گەنناديي راسىندا دا رينگتىڭ پاتشاسى، زاماناۋي بوكستىڭ پاتشاسى. ول قازاقستانداعى ەڭ كاسىپقوي سپورتشى، ءوزىنىڭ مانساپ جولىندا بىردە-بىر جەكپە-جەكتە جەڭىلىسكە ۇشىراعان جوق. ول مەن ءۇشىن جانە بۇكىل الەم ءۇشىن فەنومەن. وعان ارناپ ءان ايتۋ مەن ءۇشىن قۇرمەت"، - دەدى ديانا شاراپوۆا.

ەسكە سالايىق، گولوۆكين - برۋك كەزدەسۋى 10 قىركۇيەكتە لوندوندا 20 مىڭ ورىندىق و2 ارەناسىندا وتەدى. قازاقستان جانە Kazsport ارناارى تىكەلەي ەفيردەن كورسەتەدى. كورسەتىلىم استانا ۋاقىتىمەن 23:00-دە باستالادى.