بۇگىن استانانى دامىتۋ جونىندەگى كەڭەستە مەملەكەت باسشىسى نۇرسۇلتان نازاربايەۆ قالانىڭ نەگىزگى مىندەتىن بىلگىلەپ بەردى. ەلوردا ادام ءومىرى ءۇشىن بارىنشا ىڭعايلى وردالاردىڭ قاتارىنا كىرۋى ءتيىس.

پرەزيدەنتتىڭ ايتۋىنشا، استانانىڭ نەگىزى قالانعالى بەرى 16 جىل وتسە دە، ءبىراز جۇمىستار اتقارىلدى. "ءبىز مەملەكەتىمىزگە ساي ەلوردانى سالۋدى كوزدەدىك. ءقازىر بولسا، ءبىز ءوزىمىز ءۇشىن بۇدان دا جوعارى ماقسات قويىپ وتىرمىز. استانا ادام ءومىرى ءۇشىن بارىنشا ىڭعايلى وردالاردىڭ قاتارىنا كىرۋى ءتيىس. ءبىز تابيعاتى مەن اۋا-رايى بىزدىكىنە ۇقساس كانادا مەن سينگاپۋردىڭ قالالارىمەن تەرەزەسى تەڭ بولاتىن قالانى سالۋىمىز قاجەت"، - دەيدى مەملەكەت باسشىسى.

ءوز سوزىندە ەلباسى استاناعا ءبىر ميلليوننان استام ءتۋريستتىڭ كەلىپ كەتكەنى جايىندا ايتتى. ولاردىڭ 100 مىڭى - شەتەلدىكتەر. "الدىمىزدا EXPO-2017 حالىقارالىق كورمەسى بار. ونىڭ قۇرىلىسىن كوكتەمدە باستاپ وتىرمىز. سونىڭ ارقاسىندا جازدا ءبىراز جۇمىستى بىتىرۋگە بولادى. قۇرىلىسقا جاۋاپتى ازاماتتار ءبارىن دەر كەزىندە بىتىرەدى دەگەن سەنىم بار"، - دەپ اتاپ كورسەتتى ن.نازاربايەۆ.  ەتىلەدى.

سونداي-اق،  ەلباسى استانانىڭ ورتالىعىنداعى بوس  جااتقان  جەرلەردىڭ قوقىس الاڭدارىنا اينالعانىن  قاتاڭ ەسكەرتتى. "بۇل جەرلەر  پايدالانباعاندىقتان،  قوقىس ورنىنا اينالىپ كەتكەن. جەر بوس جاتقان سوڭ، تۇرعىنداردىڭ قوقىس اكەلىپ تاستايدى"،- دەيدى بوس جاتقان جەرلەر تۋرالى ەلباسى.

Tengrinews.kz