قۇرمانحان ءمۇقامادي ۇلى بەلگىلى ساياسات جانە قوعام قايراتكەرى، جازۋشى، اۋدارماشى، دراماتۋرگ. التايدىڭ كۇنگەي بەتىندە، شىڭجاندا 1924 جىلى تۋىلعان. 1938-1942 جىلدارى مۇعالىمدەر تەحنيكۋمىن، 1948-1950 جىلدارى ماسكەۋدەگى ىشكى ىستەر جوعارى مەكتەبىنىڭ ارناۋلى كۋرسىن بىتىرگەن. ەڭبەك جولىن 1942 جىلى مۇعالىمدىكتەن باستاپ، ايماقتىق ىشكى ىستەر بولىمىندە وكىل، ءبولىم باستىعى، بايان-ولگيي ايماعى اكىمشىلىگىنىڭ باستىعى، پارتيا كوميتەتىنىڭ ءبىرىنشى حاتشىسى سياقتى جاۋاپتى قىزمەتتەر اتقارادى. 1946 جىلى شىڭجاندا شىعىس تۇركىستان مەملەكەتىن قۇرۋ ىسىنە كومەكتەسۋ ءۇشىن موڭعوليالىق قازاقتارىنان قۇرالعان پارتيزاندار ءبولىمىنىڭ كوميسسارى بولعان. 1951 جىلى موڭعوليانىڭ العاش سايلانعان مەملەكەتتىك ۇلى حۋرالىنىڭ دەپۋتاتى بولادى. ودان كەيىن دە دەپۋتاتتىققا ەكى مارتە سايلانادى. قۇرمانحان بەلگىلى جازۋشى. ونىڭ «جاسىل دوڭ»، «اسۋدا» جيناعى 1959-1960 جىلدارى جارىق كورگەن. بايان-ولگيي ايماعى جازۋشىلار بولىمشەسىن باسقاردى. ول موڭعوليانىڭ جاڭا زامان ادەبيەتىنىڭ كلاسسيگى د.ناساگدورجدىڭ «جۇمباق توبەلەرى» وپەراسىنىڭ ليبورەتتاسىن قازاق تىلىنە ناقىشىنا كەلتىرىپ اۋدارىپ شىقتى. موڭعوليا قازاقتارى ىشىنەن شىققان اسا قابىلەتتى، جان-جاقتى ءبىلىمدى ازامات ەدى. ءبىراق امال نەشىك، تۋىلعان ورتاسى وعان تالانتىن اشا تۇسۋىنە مۇمكىندىك بەرمەدى. 1964 جىلى دۇنيە سالدى.

قۇرمانحان ءمۇقامادي ۇلىنىڭ 90 جىلدىعىنا وراي «قازاقتىڭ تالانتتى ۇلى، جازۋشى-دراماتۋرگ قۇرمانحان ءمۇقامادي ۇلى» اتتى  دوڭگەلەك ۇستەل وتەدى. ماجىلىسكە تاريحشىلار، جازۋشىلار، قوعام قايراتكەرلەرى مەن مارقۇمنىڭ ۇرپاقتارى جانە بۇقارالىق اقپارات قۇرالدارىنىڭ وكىلدەرى قاتىسادى.

وتەتىن ورنى: الماتى قالاسى، عىلىم ورداسى، شيەۆچەنكو كوشەسى، 28 ش.ش.ءۋاليحانوۆ اتىنداعى تاريح جانە ەتنولوگيا ينستيتۋتى، كابينەت № 305 باستالۋى: 2014 جىلى 30-شى ءساۋىر. ساعات 11.00-دە دۇنيەجۇزى قازاقتارىنىڭ قاۋىمداستىعى ش.ش.ءۋاليحانوۆ اتىنداعى تاريح جانە ەتنولوگيا ينستيتۋتى

بايلانىس تەل: 2733244، 8 701 6636843.، 2724654. 8 7714110133 ubota56@gmail.com، akudaybergen@mail.ru