ۋكراينا باس پروكۋرورى ولەگ ماحنيسكيي: «يانۋكوۆيچتىڭ مەملەكەتتەن ۇرلاعانى - 100 ملرد. اقش دوللارى» دەپ حابارلايدى. باس پروكۋروردىڭ سوزىنە قاراعاندا، ۋكراينانىڭ قاشىپ جۇرگەن بۇرىنعى پرەزيدەنتى ۆيكتور يانۋكوۆيچ بۇل 100 ملرد. دوللاردىڭ بەلگىلى ءبىر مولشەرىن ەۋروپا بانكتەرىنە سالسا، ونىڭ 32 ملرد. اقش دوللارىن جۇك ماشيناسىنا تيەپ، رەسەيگە اپارعان. قازىرگى شىعىس ۋكرايناداعى بۇلىكشىلەر مەن ورىس سەپاراتيستەرىن ۇرى يانۋكوۆيچ وسى ۇرلىق اقشامەن قارجىلاندىرىپ وتىرسا كەرەك. وعان ءپۋتيننىڭ كوك تيىنى دا شىعىپ جاتقان جوق دەگەن ءسوز، دەپ جازادى تەنگرينيۋس.
بۇل - ءبىر عانا يانۋكوۆيچتىڭ لاڭى. ال، بۇرىنعى تمد ەلدەرىندە قانشاما يانۋكوۆيچتەر ءوز مەملەكەتتەرىنەن، ءوز حالقىنان ۇرلاعان-جىرلاعاندارىن قايدا اپارىپ جاسىرىپ جاتىر ەكەن؟ ۋكرايناداعى جاعدايدان كەيىن رەسەي ۇرىلارىنىڭ شەتەلدەرگە جاسىرعان ۇرلىق اقشالارىنا سانكسيالار جاريالانىپ، ولاردىڭ ەسەپ-شوتتارى جاپپاي بۇعاۋلانۋدا.
وسىدان قاتتى سەكەم العان ءبىزدىڭ مەملەكەت باسشىسى تاياۋدا وفشورداعى اقشالاردى ەلگە اكەلىپ، زاڭداستىرۋ كەرەك دەپ بىزدە دە ۇرى-قارىلار بار ەكەنىن اشىق مويىنداپ، ونى جالپاق جۇرتقا جايىپ سالعانى بەلگىلى. كەيبىر اقپاراتتارعا قاراعاندا، بىزدەگى ۇرىلار ول ۇرلىق اقشالارىن باتىس بانكىلەرىنەن الىپ، رەسەي مەن شىعىس ەلدەرى بانكىلەرىنە سالىپ جاتقان كورىنەدى. ەرتەڭ يانۋكوۆيچ سياقتى ولاردىڭ دا باستارىنا كۇن تۋا قالعان جاعدايدا، بارىپ باس ساۋعالايتىن جەرلەرى – جالعىز رەسەي ەكەنىن ىشتەرى سەزەدى. ونىڭ ۇستىنە رەسەي ولاردىڭ بار بولسا، بارلىق قىلمىستارىن جىپكە ءتۇزىپ جۇرگەن ەل. ەرتەڭ رەسەيگە قارسى شىقسا، ولار بۇل قىلمىستىلاردىڭ بىلىقتارىن ءبىرااق كۇندى اشىپ تاستايدى دەگەن ءسوز.
بيلىكتىڭ نەگە «ەۋروازيالىق وداق» دەگەنگە سونشاما قۇشتار بولىپ جۇرگەنىن - كوزى قاراقتى جاندار ەندى اڭعارا باستاعان شىعار دەيمىن. جالپاق تىلمەن ايتقاندا، قازاقستان حالقىنىڭ ەسەبىنەن ۇرلانعان ول اقشالاردىڭ قىزىعىن ەندى ولاردىڭ تۋعان حالقى – ءبىز قازاقتار ەمەس، نەگىزىنەن رەسەي حالقى عانا كورەتىن سياقتى. . بوگدە تىلدە شۇلدىرلەگىش شەنەۋنىكتەرى: «مەملەكەت، وتان، تۋعان حالىق» دەگەن تۇسىنىكتىڭ جوعى بەلگىلى. وسى جىلدىڭ مامىر ايىنىڭ اياعىندا رەسەي، قازاقستان، بەلارۋسسيا – «ەۋرازيالىق وداق» قۇرادى. ءسويتىپ، بۇل ەلدەر تاۋەلسىزدىگىن تارك ەتپەك. بەلارۋسسيا پرەزيدەنتى لۋكوشەنكو ول «وداققا» قارسىلىعىن بىلدىرە باستاعانىمەن، پۋتين العان بەتىنەن قايتاتىن ەمەس. بۇلارعا تاۋەلسىزدىكتەن گورى جەكە باستارىنىڭ اماندىعى كەرەك بولىپ تۇر.
جۇماش كەنەباي،
