پارلامەنت ءماجىلىسىنىڭ دەپۋتاتى ازامات ابىلدايەۆ «اق جول» قدپ اتىنان جامبىل جانە الماتى وبلىستارىنىڭ وڭىرلەرىندە سايلاۋشىلارمەن كەزدەسۋلەر وتكىزۋدە.

حالىق قالاۋلىسى ءىس ساپارىن جامبىل وبلىسى مويىنقۇم اۋدانىنىڭ اكىمىمەن بىرگە اۋدانداعى جاڭا سپورت كەشەنىنىڭ اشىلۋىنا قاتىسۋمەن باستادى. سول كۇنى  ا. ابىلدايەۆ«اۋىل شارۋاشىلىق كورمەسىنە» جانە «اۋىز سۋ» باعدارلاماسى اياسىندا جاڭادان سالىنعان وبەكتىگە بولىپ، حالىق الدىندا ءسوز سويلەدى.

    كەزدەسۋ بارىسىندا پرەزيدەنت جولداۋىنىڭ باسىم باعىتتارى مەن پالاتانىڭ زاڭ شىعارۋ جۇمىستارىمەن جانە «اق جول» قدپ اتقارىپ جاتقان ىستەرىنەن حاباردار ەتتى.

دەپۋتات الەۋمەتتىك قامتاماسىز ەتۋ، حالىقتى ەڭبەكپەن قامتاماسىز ەتۋ، اۋىل شارۋاشىلىعى مەن ورتا جانە شاعىن كاسىپكەرلىكتى وركەندەتۋ ماسەلەلەرىنە نازار اۋدارىپ،  اۋدان تۇرعىندارىنىڭ قويعان سۇراقتارىنا جاۋاپ بەرىپ، پىكىر الماستى.

ءوز كەزەگىندە اۋدان اكىمى باسقارىپ وتىرعان اۋداندا اتقارىلىپ جاتقان جۇمىستارىنا توقتالىپ، بولاشاق جوسپارلارى جانە وزگە دە وزەكتى ماسەلەلەر جايلى مالىمدەدى. 3 مامىر كۇنىحالىق قالاۋلىسىمويىنقۇم اۋدانىنىڭ جايىلىمدىق ۋچاسكەلەرىندە بولىپ، سونىمەن بىرگە قۇموزەكتەگى «مويىنقۇم اگروونەركاسىپتىك كەشەنىنە» باردى. بۇگىن دەپۋتاتتىڭ جۇمىسى الماتى وبلىسى جامبىل اۋدانىندا سايلاۋشىلارمەن كەزدەسۋگە ۇلاسادى.

parlam.kz