سولتۇستىك قازاقستان وبلىسىندا ءبىر اپتادا 30 ءورت وقيعاسى تىركەلگەن. جالپى، جىل باسىنان بەرى وڭىردە 279 ءورت ورىن الىپ، 27 ملن تەڭگەگە ماتەريالدىق شىعىن كەلتىرىلگەن. ءتىلسىز جاۋدان 21 ادام قازا تاپقان، ونىڭ تورتەۋى بالا. 15 ازامات ءتۇرلى كۇيىك دەڭگەيىمەن اۋرۋحاناعا ءتۇسىپتى. مۇنداي دەرەكتەردى سقو تجد باسپا ءسوز قىزمەتى كەلتىرىپ وتىر.

توتەنشە جاعدايلار قىزمەتكەرلەرىنىڭ اقپارى بويىنشا، تايىنشى اۋدانىنىڭ كەللەر اۋىلىندا ءورت قاۋىپسىزدىك ەرەجەلەرىن ساقتاماعاننان گاز قۇرىلعىسىن پايدالانعان كەزدە گاز اۋا ارالاس قوسپا جارىلىپ، ول تۇرعىن ءۇيدىڭ جانۋىنا اكەلگەن. انىقتالعانى، اسحانادا پەشتىڭ قاسىندا گاز بالونى ورنالاسقان ەكەن.

«گاز اۋا ارالاس قوسپا جارىلىپ، ول تۇرعىن ءۇيدىڭ جانۋىنا اكەلدى. بۇل كەزدە ءۇي يەسى كىرە بەرىستە تەلەفونمەن سويلەسىپ وتىرعان، ال، ايەلى اۋلادا بولعان. وت ەر ازاماتتىڭ ۇستىنە ءتۇسىپ، كيىمى جانعان. لاۋلاعان وت ءۇي مۇلكىن ءبۇلدىرىپ، تەرەزەلەردى سىندىرعان. 53 جاستاعى ءۇي يەسى 50% دەنە كۇيىگىمەن ورتالىق اۋداندىق اۋرۋحانانىڭ جان ساقتاۋ بولىمىنە جەتكىزىلدى»، - دەپ حابارلادى باسپا ءسوز قىزمەتى.

وسى تەكتەس وقيعا م.جۇمابايەۆ اۋدانىنىڭ پولۋدينو اۋىلىندا دا ورىن العان. مۇندا قىزىل جالىننىڭ شارپۋىنان ءۇي تۇگەل جانىپ كەتكەن. «ابايسىزدا شىلىم شەگۋ 75 جاستاعى پەتروپاۆلدىق قاريانىڭ ولىمىنە اكەپ سوقتى. ءتۇن جارىمدا بەس قاباتتى ءۇيدىڭ ەكىشى قاباتى ورتەنگەن. ءورت اۋماعى 2 شارشى مەتر بولعانىمەن، سالدارىندا ءۇي يەسى قازا بولعان» دەلىنگەن حابارلامادا.

سونداي-اق، قىزىلجار اۋدانى كوندراتوۆكا اۋىلىندا دا ءورت تۇتانىپ، ءۇش جانە ءتورت جاستاعى ەكى ءسابي گازدان ۋلانعان.

وتكەن اپتادا پىشەن ورتەنىپ، وبلىس ورتالىعىنا ءورت سوندىرۋشىلەر 95 رەت شىققان.

baq.kz