سەيسەنبى كۇنى سۋعا باتىپ كەتكەن «Sewol» پارومىنىڭ جولاۋشىلارىن ىزدەۋ كەزىندە سۇڭگۋىر ەسىنەن تانىپ، قايتىس بولدى.

ۇلتتىق تەڭىز پوليسياسى اگەنتتىگىنىڭ (جاعالاۋ كۇزەتى) وكىلى حابارلاعانداي، سۇڭگۋىرمەن بايلانىس سۋ استىنا تۇسكەننەن كەيىن 5 مينۋت وتكەن سوڭ ۇزىلگەن. ونى سۋ بەتىنە الىپ شىققاندا كەزدە ول تىنىس الماعان. كەيىننەن ونىڭ كوز جۇمعانى اۋرۋحانادا راستالدى. باقيلىق بولعان سۇڭگۋىر پارومداعى جولاۋشىلاردى ىزدەۋ جۇمىستارىنا جۇمىلدىرىلعان Undine Marine Industries كومپانياسىندا قىزمەت ەتكەن. ەستەرىڭىزگە سالىپ وتەيىك، «Sewol» پارومى 16 ءساۋىر كۇنى چەدجۋ ارالىنىڭ جاعالاۋىندا اپاتقا ۇشىراپ، سۋ تۇبىنە كەتكەن بولاتىن. كەمە بورتىندا 476 ادام بولعان. ونىڭ تەك 164ء-ىن عانا قۇتقارۋ مۇمكىن بولدى. ەكيپاج مۇشەلەرىنىڭ ەشقايسىسى زارداپ شەككەن جوق. ولار سۋعا باتىپ بارا جاتقان كەمەنى العاشقىلاردىڭ ءبىرى بولىپ تاستاپ كەتكەن. ءقازىر ولاردىڭ بارلىعى قاماۋدا وتىر، ولارعا ءتۇرلى ايىپتاۋلار تاعىلدى.

BNews.kz