قازاقستاندا اندجەلينا ءدجوليدىڭ قاتىسۋىمەن «Disney» ستۋدياسىمەن تۇسىرىلگەن «ۇيقىداعى ارۋ» ءفيلمىنىڭ جاڭا نۇسقاسى قازاق تىلىندە كورسەتىلەدى، دەپ حابارلايدى «مەلومان» پورتالى.

Disney ستۋدياسىنىڭ «مالەفيسەنتا» ءفيلمىنىڭ قازاقستانداعى كورسەتىلىمى 2014 جىلدىڭ 29 مامىرىندا باستالادى.  بۇل ەسكى «ۇيقىداعى ارۋ» ءفيلمىنىڭ جاڭا نۇسقاسى. ونداعى وقيعانىڭ جەلىسىن زۇلىم مىستان (اندجەلينا دجولي) اڭگىمەلەيدى. وندا كورەرمەندەر ەپيكالىق قاقتىعىستارعا تولى سيقىرلى الەمگە ساپار شەگەدى.

«مالەفيسەنتا» 2014 جىلى گولليۆۋدتاعى ستۋديانىڭ قازاق تىلىنە اۋدارىلعان ەكىنشى ءفيلمى بولماق. قازاق تىلىندەگى دۋبلياجدى «بولاشاق» قاۋىمداستىعى مەن MARWIN كومپانياسى، «سامۇرىق-قازىنا» ءۇاق» اق-نىڭ قارجىلاندىرۋىمەن جاسادى.

اۋدارما الماتىداعى Cinema Tone Production ستۋدياسىندا جاسالىپ وتىر.

«مالەفيسەنتانى» ءتارجىمالاۋعا جالپى سانى 20 اكتەر قاتىسقان. اتاقتى  گولليۆۋد اكتريساسى اندجەلينا ءدجوليدىڭ داۋىسىن گۇلناز اۋەسبايەۆا سالدى.

قازاقپارات