بۇگىنگى قازاق حالقى تاۋەلسىزدىككە ساي حالىق ەمەس!

ءساۋىردىڭ اياعىندا الماتى قالاسىنىڭ "اقساقالدار القاسى" اعا بۋىننىڭ ەلىمىزدىڭ ەۋرازيالىق وداققا كىرۋىنە قارسى ەكەنىن حالىققا ۇندەۋ ارقىلى جاريالاپ، ق ر پرەزيدەنتى ن.نازاربايەۆ پەن پرەمەر-مينيستر ك.ءماسىموۆتان بۇل وداققا قول قويۋدان باس تارتىپ، 1 مامىرعا دەيىن حالىققا سول تۋرالى جاريالاۋى تۋرالى تالاپ قويدى.

ول ۇندەۋدە ق ر باس پروكۋرورى ا.داۋىلبايەۆتىڭ بيلىك رەجيمىنىڭ تاۋەلسىزدىگىمىزدى جوعالتۋعا اپاراتىن بۇل قادامىنا زاڭ تۇرعىسىنان باعا بەرۋگە تىكەلەي جاۋاپكەرشىلىگى دە ايتىلعان.

ۇندەۋدە بىرنەشە ماسەلە قامتىلعان بولاتىن؛ 1. ەۋرازيالىق وداققا كىرۋدىڭ قازاق حالقى ءۇشىن زارداپتارى جانە بۇگىنگى جاعدايدا وعان كىرۋ مۇمكىن ەمەستىگى تۋرالى 2. 1 مامىردا بۇكىل رەسپۋبليكا حالقىنىڭ بىرلىگىن كورسەتىپ، الاڭدارعا شىعۋى (بۇل ۋكراينادا بولىپ جاتقان جاعدايلارعا دا بايلانىستى) 3. بيلىك ەاو قول قويۋدان باس تارتپاسا 7 مامىر - وتان قورعاۋشىلار كۇنى ازاتتىعىمىزدى قورعاپ الاڭدارعا شىعۋ.

ۋندەۋ "دات - وبششەستۆەننايا پوزيسيا" گازەتىندە(تيراج 30 مىڭ دانا)، فەيسبۋكتە (دوستارىمنىڭ ءوزى 4031 ادام) تولىق ماتىنىندە شىقتى.وكىنىشكە وراي، "ازاتتىق راديوسى" ۇندەۋدىڭ ءمانىسىن تولىق تۇسىنگەن جوق، نەمەسە تۇسىنبەگەن بولدى، ويتكەنى ۇندەۋدىڭ نەگىزگى يدەياسى كورىنبەدى.

"اشىق الاڭ-تريبۋنا" گازەتىندە، "ماتريسا.كز" سايتىندا جوعارىدا كورسەتىلگەن 2 جانە 3 ماسەلە قىسقارتىلىپ باسىلىپ، شىن مانىندە ۇندەۋدىڭ نەگىزگى ءمانىن جوعالتىپ باستى.

ۇندەۋدەگى باستى ۇسىنىس حالىقتىڭ پىكىرىن، ويىن بىلدىرۋگە مۇمكىندىك بەرەتىن ەكى مەيرامدى پايدالانۋعا ۇسىنىس ايتىلعان بولاتىن. بۇل ماسەلەگە ميتينگ وكىزۋگە بيلىكتىڭ مامىردىڭ ىشىندە ەششقانداي مۇمكىندىك بەرمەيتىنى ايدان انىق ەدى. ال، بيلىك (قاي ەلدە بولماسا دا) الاڭدارعا شىعىپ بىرلىگىن، كوپشىلىگىن، ياعني- كۇشىن كورسەتسە عانا مويندايتىنىن قاي تاريحتان بولسا دا بەلگىلى. ءجۇز فورۋم، مىڭ جينالىس وتكىزسەڭىز دە وعان ءبىزدىڭ بيلىك تۇكىرىپ قويعان! وكىنىشكە واي ءبىزدىڭ وپپوزيسياداعى ازاماتتار سول فورۋم، جينالىسپەن پارىزىمىزدى ورىندادىق دەيتىن سياقتى... ونىڭ ناقتى ناتيجەسى بار ما، جوق پا، وعان قاراپ جاتقان جوق.

اقساقالدار القاسى وسىنى حالىق، زيالى قاۋىم تۇسىنەر دەگەن ۇمىتتە بولىپ ەدى، ءبىراق، بۇگىنگى كۇنگى جاعداي ەل اعالارىنىڭ سول ءۇمىتى سۋداي شايىلعانىن كورسەتىپ وتىر.

وسى فەيسبۋكتە وتىرعان نەبىر دانىشپان، ءبىلىمپاز، قاحارمانداردىڭ دا (كەرەكۋدەگى رۋزا قارىنداسىمنان باسقا) جارتى كۇن دەمالىسىن قازاق ەلىنىڭ بولاشاعى ءۇشىن بولۋگە نيەتى بولماپتى.

اقساقالدار القاسى "دات" گازەتىنىڭ نەگىزگى تيراجى الماتىعا تاراعان سوڭ كوپشىلىكتى ۇيىمداستىرۋمەن اينالىسقان جوق.

ءبىراق، تاۋەلسىزدىك ەسكەرتىشىنىڭ الدىنا جان كەلمەۋى (بىزدەن باسقا) ءبىزدىڭ، شىنىندا ازات ەل بولۋعا قۇقىمىز جوق ەكەنىن كورسەتەدى. ۋكراينانىڭ حاركوۆ، ودەسسا قالالارىندا ومىرلەرىنە ءقاۋىپتى بولسا دا وتانى ءۇشىن، تاۋەلسىزدىگى، ەلىنىڭ ءبىرتۇتاستىعى ءۇشىن حالىق الاڭدارعا شىعىپ جاتىر.

ونىڭ قاسىندا ءبىزدىڭ مىنا تىرلىگىمىز، ءبىر جازۋشىنىڭ - "قۇلدان قۇل تۋادى" - دەگەن ءسوزدىڭ شىن ەكەنىن كورسەتەدى... رەنجىمەڭىزدەر، اعايىندار، ءبىراق، اششى شىندىق وسى! اللانىڭ قازاق ءۇشىن بەرگەن 20-سىنشى عاسىردا بەرگەن ەڭ ۇلكەن سىيى ازاتتىقتان ەل امان، جۇرت تىنىشتا ايرىلايىق دەپ تۇرمىز.

بۇل قىلمىسقا ساتقىن، يمانسىز بيلىكپەن بىرگە ءبىز دە كىنالىمىز!

بولاشاق ۇرپاق بۇل قىلمىسىمىزدى ەشقاشان كەشىرمەيدى!

سەرىك ساپارعالي

فب پاراقشاسىنان الىندى