تاريحتىڭ تەرەڭىنە كەتىپ بارا جاتقان سۇراپىل سوعىستىڭ  ىزعارى ءالى كۇنگە دەيىن باسىلماعان سەكىلدى. سوعىستىڭ ءبىر ۇشقىنى قازىرگى  قازاق قوعامىن شارپىپ تۇر. سوعىس جىلدارى قالىڭ قازاق  قانمايداندا وققا ۇشسا، ۇرپاقتارى سول سوعىستى ەسكە تۇسىرەر گەورگيي لەنتاسىنىڭ داۋىنا شىرمالۋدا. جەڭىس كۇنىنىڭ بەلگىسى بولىپ سانالاتىن گەورگيي لەنتاسىن رەسەي  اسكەرى مەن ۇلتشىلدارى ۋكراينا قارسى شارالارىندا تاعىپ شىعۋى - بۇل لەنتاعا باسقىنشىل سيپات بەردى. ءتىپتى،  لەنتانى ورىس يمپەرياليزمىنىڭ كورىنىسى دەپ باعالادى. بۇل تۋرالى سايتىمىزدىڭ الدىڭعى شىعارىلىمىندا جازعان  بولاتىنبىز  (http://qamshy.kz/؟p=9944)

- نامىس قوي نامىس. كينولاردى كورىپ وتىرساڭ جەڭگەن تەك ورىستار سياقتى. "زا نامي موسكۆا! گدە رۋسسكيە، تام پوبەدا" دەپ گەورگيي لەنتاسىن تاعىپ الىپ جۇرگەندەرى. قازاقتان رەسمي دەرەك بويىنشا سول II دۇنيەجۇزىلىك سوعىستا 600 مىڭ ادام ءولدى عوي. ولاردى نەگە قۇرمەتتەمەيمىز؟ ال سول گەورگيي لەنتاسىن XVIII عاسىردا رەسەي پاتشاسى "ورتا ازياعا جورىعى ءۇشىن" دەگەن مەدالدىڭ تاسپاسى رەتىندە العاش رەت پايدا بولدى. سوندا ءبىزدىڭ اتا-بابامىزدى قىرعانداردى قىرىلعانداردىڭ ۇرپاعى اسپەتتەۋى كەرەك پە؟! بۇل ماڭگۇرتيزم. ستوكگولم سيندرومىنان سوراقى دۇنيە. "ماڭگۇرت سيندرومى" دەگەن تىركەس ەنگىزەتىن ۋاقىت كەلدى. قىسقاسى ءوز-وزىڭدى جاتتاي سىيلا، جات جانىنان تۇڭىلەر دەگەندى ۇمىتپاعانىمىز ءجون. سوندىقتان ويلاپ تاپتىم. دوستارىما كورسەتتىم. ءبىرىنشى بولىپ اقىل قوسقان باقىت مۇحتار دەگەن جىگىت. سودان كەيىن دوستارىم قاسىم امانجول مەن مۇحتار تايجان قولدادى. استانا اكىمدىگى ماتا ەتىپ شىعارىپتى.ولارعا ريزامىن.  كەيىن 31-مامىرعا ارناپ ءبارىمىز بىرىگىپ، قارا جانە كوك جولاقتى ازا باۋ نەمەسە قارالى تاسپانى دا ويلاپ شىعاردىق. ال ونى ماتا رەتىندە شىعارۋعا مۇحتار دەمەۋشى بولدى. بىلتىر تاراتتىق. بيىل الماتى بولماسا دا، استانا اكىمدىگى قولدايتىن شىعار. بىلتىر وقو اكىمدىگىنەن بەرىك ءۋالي قولداعان-دى.

-  ءيا، ءبىراق العاشىندا وسى ويۋلىنى جاسادىم. ۋاقىت تىعىز بولىپ،   ەلگە تانىستىرىپ ۇلگەرمەدىك. ال قارا مەن كوك جولاقتى ودان كەيىن كەلە جاتقان 31-مامىر - قۋعىن-سۇرگىن قۇرباندارىن ەسكە الۋعا ارنادىق. قارا قايعىنى، قارا بۇلتتىڭ تورلاۋى، كوك - اشىق مىنەزىمىز، قارا بۇلتتى ىسىرعان كوك اسپانىمىز، بۇگىنگى تاۋەلسىزدىگىمىز دەگەن وي بولدى.

- ءپۋتيننىڭ زالىم ەكەنىن جىلدار بويى ايتتىق. قىرىمدى باسىپ الىپ ەدى، جۇرتتىڭ كوزى اشىلا قاپتى. گەورگيي لەنتاسىنا بالاما جاسادىق بىلتىر. بيلىك ءمان بەرمەدى. قىرىمداعى سەپەراتيستەر سول جولاق باۋدى تاعىپ الىپ ەدى، اكىمدىك ويانا كەتتى. ەندى سولتۇستىك قازاقتانعا "جاسىل اسكەرىن" كىرگىزسە دەپ تىلەپ ءجۇرمىن. سوندا قازاقتىڭ بىرىگۋىنە، ويانۋىنا كاتاليزاتور بولاتىن ەدى.