ق ر پرەمەر-مينيسترى باقىتجان ساعىنتايەۆتىڭ توراعالىعىمەن قازاقستان ۇكىمەتىنىڭ سەلەكتورلىق رەجيمدەگى وتىرىسىندااۋىل شارۋاشىلىعى ءبىرىنشى ۆيسە-مينيسترى قايرات ايتۋعانوۆ ەگىن جيناۋ جۇمىستارىنىڭ قورىتىندىسى تۋرالى ەسەپ بەردى، - دەپ حابارلايدى Qamshy.kz.

استىقتىڭ جالپى جيىنتىعى بۋنكەرلىك سالماقتا 23،1 ملن توننانى قۇرادى. بۇل وتكەن جىلمەن سالىستىرعاندا 1،4 ملن-عا كوپ.ورتاشا ءونىم 15،2 س/گا قۇرادى. اقمولا وبلىسىندا 5،7 ملن توننا، سقو-دا 5،6 ملن توننا، قوستاناي وبلىسىندا 5،5 توننا استىق جينالدى.قاراعاندى وبلىسىندا 1 ملن توننادان استام استىق جينالدى. ونىمدىلىك 14،0 س/گا قۇرادى، بۇل وبلىستىڭ ەگىن شارۋاشىلىعىنىڭ بۇكىل تاريحىنداعى رەكوردتى ءونىم بولىپ ەسەپتەلەدى.

سونىمەن قاتار، اقتوبە جانە باتىس قازاقستان وبلىستارىندا تارى ونىمدىلىگى وتكەن جىلمەن سالىستىرعاندا 4 جانە 3 ەسە ارتتى.

وڭتۇستىك ءوڭىردىڭ وبلىستارى ماقتا، قانت قىزىلشاسى جانە كۇرىش ونىمدەرىن جيناۋ جۇمىستارىن جۇرگىزىپ جاتىر، تيىسىنشە جوعارعى ءونىم جينالادى دەپ كۇتىلۋدە. بيىل كۇرىشتىڭ جالپى جيىنتىعى 432 مىڭ تونناعا جەتتى. قىزىلوردا وبلىسىندا ونىمدىلىك 47 س/گا قۇرادى، سايكەسىنشە، بۇل رەكوردتى كورسەتكىش.  

ۆيسە-مينيستر مايلى داقىل بويىنشا ورىلۋى كەرەك الاڭنىڭ 46،7%-ى ورىلعانىن ايتتى. جالپى جيىنتىق وتكەن جىلعىدان 1،2 ەسە كوپ بولادى دەپ بولجانۋدا. ونىمدىلىك 10 س/گا قۇرايدى. ەسكەرەر بولساق، سوڭعى 5 جىلدا 8،1 س/گا اسپاعان.

وتىرىستا ەگىن جيناۋ ناۋقانىنىڭ وڭتايلى ۋاقىتىندا اياقتالۋى ۇيىمداستىرۋشىلىق دەڭگەيىنىڭ جوعارى بولۋىنىڭ، دەر كەزىندە ماتەريالدىق-تەحنيكالىق جابدىقتاۋ ماسەلەسى شەشىلۋىنىڭ جانە جوعارعى ءونىمدى ەگىن جيناۋ تەحنيكاسىن قولدانۋىنىڭ ارقاسىندا بولعانى ايتىلدى.