ماجىلىسكە اۋعانستان يسلام رەسپۋبليكاسى پارلامەنتى دجيرگا ۆولەسي اپپاراتى قۇرىلىمدىق بولىمدەرىنىڭ باسشىلارى كەلدى. قازاقستان رەسپۋبليكاسى پارلامەنتى ماجىلىسىنە اۋعانستان يسلام رەسپۋبليكاسى پارلامەنتى دجيرگا ۆولەسي اپپاراتىنان ۇيرەنۋ-تانىسۋ ماقساتىمەن دەلەگاسيا كەلدى، دەپ حابارلايدى پارلامەنتتىڭ باسپا ءسوز قىزمەتى
ساپار شەڭبەرىندە ءماجىلىس اپپاراتىنىڭ باسشىسىمەن كەزدەسۋ، سالالىق كوميتەتتەر مەن قۇرىلىمدىق بولىمدەر قىزمەتىمەن تانىسۋ جانە دە قازاقستان رەسپۋبليكاسىنىڭ مەملەكەتتىك قىزمەت ءىسى اگەنتتىگىندە بولىپ مەملەكەتتىك قىزمەتتىڭ قازاقستاندىق ۇلگىسىمەن تانىسۋ جوسپارلانعان.
سونىمەن قاتار ولار ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىندە بولىپ اۋعان ەلىنەن كەلىپ وقىپ جاتقان ستۋدەنتتەرمەن دە جۇزدەسەتىن بولادى.
دەلەگاسيا قۇرامىندا اۋعانستان يسلام رەسپۋبليكاسى پارلامەنتى دجيرگا ۆولەسي اپپاراتى قۇرىلىمدىق بولىمدەرىنىڭ باسشىلارى بار.
