قازاقستاندىقتاردىڭ كوپ بولىگىن (86%) رەسەي مەن ۋكراينا اراسىنداعى قاقتىعىستىڭ ءورشۋى الاڭداتادى. ساۋالناماعا قاتىسقان ازاماتتاردىڭ 56%-ى وسى تاقىرىپتاعى جاڭالىقتار لەگىن تۇراقتى باقىلاپ وتىرادى. ال، قازاقستاندىقتاردىڭ 14%-ن بۇل جاعداي قىزىقتىرمايدى. ولاردىڭ 10%-ى ۋكرايناداعى جاعدايدى تانىستارىنىڭ اڭگىمەسىنەن ەستىگەن. ساۋالناماعا قاتىسقانداردىڭ 4%-ى كورشى ەلدەگى ساياسي احۋالعا بەي-جاي قارايدى ەكەن. رەسپوندەنتتەردىڭ 11%-ى قىرىمنىڭ رەسەيگە قوسىلۋىن ۋكراينا تۇراقتىعىن زاڭسىز بۇزۋ دەپ ەسەپتەيدى. ال، 61%-ى قىرىم بۇرىندارى رەسەيگە تيەسىلى بولعان، سول سەبەپتى رەسەيگە قوسىلۋىن قولدايمىن دەپ جاۋاپ بەردى. ال، ساۋالناماعا قاتىسقان قازاقستاندىقتاردىڭ 22%-ى بۇل ماسەلە بويىنشا بەيتاراپ پىكىر ۇستانادى. الايدا، بۇرىننان بەرى دوستىق قارىم-قاتىناستا بولعان ەكى ەل اراسىنداعى داۋ-داماي ولاردى الاڭداتادى. ال، سۇراققا جاۋاپ بەرگەن ازاماتتاردىڭ 5%-ن بۇل سۇراق مۇلدە قىزىقتىرمايدى ەكەن. سونداي-اق، ساۋالناما ناتيجەسى رەسەيدىڭ اقپارات قۇرالدارىنىڭ قازاقستاندىقتاردىڭ كوزقاراسىنا ىقپالىن كورسەتتى. رەسپوندەنتتەردىڭ 30%-ى ۋكرايناداعى جاعداي جايلى اقپاراتتى رەسەيلىك باق-ن الادى. ال، اقپاراتتى قازاقستاندىق ب ا ق قۇرالدارىنان الاتىن رەسپوندەنتتەر سانى دا وسى شامالاس، 28%. ۋكراينالىق اقپارات قۇرالدارىنان جاڭالىقتاردى وقيتىن (كورەتىن) ازاماتتار تەك 0،69%. باتىس ەلدەرىنىڭ جاڭالىقتارىن 1،21%-ى عانا كورەدى. ال، 36% ساۋالناماعا قاتىسقان قازاقستاندىقتار مۇمكىندىگىنشە، بارلىق ەلدەردىڭ اقپارات قۇرالدارىن باقىلاپ وتىرۋعا تىرىسادى ەكەن. (ونلاين ساۋالناما ناتيجەسى بويىنشا بۇل جاۋاپ 71%). سۇراقتارعا جاۋاپ بەرگەن تۇرعىنداردىڭ 73%-ى رەسەي قۇرامىنا قوسىلعان سوڭ، قىرىم حالقىنىڭ بولاشاعى جاقسارادى، سەبەبى ولار ىقپالدى مەملەكەتتەن قولداۋ تابادى دەيدى. ال، 5%-ى كەرىسىنشە، ولار ۋكراينا قۇرامىندا بولعاندا، ەۋروپامەن ىقپالداسۋعا مۇمكىندىك بولاتىن ەدى دەگەن جاۋاپتى تاڭدادى. (ونلاين ساۋالناما ناتيجەسى بويىنشا بۇل جاۋاپ 27%). رەسەي مەن قۇرامىندا ورىس حالقى بار كورشى وزگە مەملەكەتتەر اراسىندا وسىعان ۇقساس اۋماقتىق جانجالدار بولۋى مۇمكىن بە دەگەن سۇراققا، رەسپوندەنتتەردىڭ
38%-ى بولۋى مۇمكىن دەپ جاۋاپ بەردى. بولۋى مۇمكىن ەمەس دەگەن جاۋاپتى تاڭداعان رەسپوندەنتتەر سانى دا ءدال وسىنداي، 38%-دى كورسەتتى. ولاردىڭ تورتتەن ءبىر بولىگى، ياعني 23% -ى جاۋاپ بەرۋگە قينالامىن دەگەن جاۋاپتى تاڭدادى.
