ولەڭ-سوزدىڭ حاس شەبەرى، قازاقتىڭ كورنەكتى اقىنى ۇلىقبەك ەسداۋلەت بيىل 60 جاسقا تولدى. وسىعان  وراي، 14 مامىر كۇنى  الماتى  قالاسىنداعى  اباي اتىنداعى  وپەرا  جانە  بالەت تەاترىندا  اقىننىڭ مەرەيتويلىق شىعارماشىلىق كەشى  ءوتتى. 

    ونعا تارتا جىر جيناقتارىنىڭ  اۆتورى، قازاقستان مەملەكەتتىك سىيلىعىنىڭ  لاۋرەاتى. "قۇرمەت" وردەنىنىڭ يەگەرى جانە  «جۇلدىز» ادەبي جۋرنالىنىڭ باس رەداكتورى  اقىننىڭ  ۇلىقبەك ەسداۋلەتتىڭ كەشى "جىلقى جىلىنداعى جۇزدەسۋ" دەپ  اتالدى.  كەشكە سەكەن تۇرىسبەكوۆ، ماقپال ءجۇنىسوۆا، التىنبەك قورازبايەۆ، مەرۋەرت تۇسىپبايەۆا، ايتگۇل، قانات قۇدايبەرگەنوۆتەر سىندى ونەر جۇلدىزدارى قاتىسىپ، اقىننىڭ سوزىنە جازىلعان اندەردى ورىنداپ شىقتى.  نەسىپبەك  ايت ۇلى، ءشومىشباي سارييەۆ، باۋىرجان جاقىپ سەكىلدى قالامداس دوستارى اقىنعا ارناپ  ولەڭ وقىپ، اق تىلەكتەرىن  جولدادى. اقىن ولەڭدەرىن شەتتىلدەرگە اۋدارعان زامانداستارى قاتىسىپ، اقىن تۋرالى  ەستەلىكتەرىمەن ءبولىستى.

بۇدان بولەك، ۇلىقبەك ەسداۋلەتتى اسقارلى 60 جاسقا تولۋىمەن قالا جانە وبلىس اكىمدەرى، اقىن-شايىرلار قۇتتىقتاپ، اقىننىڭ تۋعان ولكەسى شىعىس قازاقستان  وبلىسىنىڭ اكىمدىگى تەمىر تۇلپار مىنگىزدى. كلاسسيك اقىندى قۇرمەتكە بولەپ، باۋىرجان مومىش ۇلى اتىنداعى "نامىس" وردەنىمەن ماراپاتتادى. 

كىشىلەر ۇل-اعا، ۇلكەندەر  ۇلقاش دەپ قۇرمەتتەيتىن،  قازاق پوەزياسىن كوركەم شىعارمالارىمەن كەستەلەگەن دارىندى اقىننىڭ مەرەيتويلىق شىعارماشىلىق كەشى اسەرلى ءوتتى.

سۋرەت تۇسىرگەن  ازامات قۇسايىنوۆ