جالپى ءونىم جيىنتىعى 1 ملن توننادان استىپ وتىر. بۇل كورسەتكىش وتكەن جىلمەن سالىستىرعاندا ءبىر جارىم ەسەگە ارتىق، دەپ حابارلايدى Qamshy.kz شقو باسپا ءسوز قىزمەتىنە سىلتەمە جاساپ.

بيىل شىعىس قازاقستان وبلىسىنىڭ ديقاندارى جاقسى ءونىم جيناپ، جوعارى كورسەتكىشتەرگە يە بولدى. شارۋا قوجالىقتارى شىعىنعا باتپاي، استىق ونىمدەرىن ۋاقتىلى جيناپ ۇلگەردى. وبلىستىق اۋىلشارۋاشىلىعى باسقارماسىندا ءوڭىردىڭ وسىنداي رەكوردتىق كورسەتكىشتەرگە سوڭعى جىلدارى يە بولماعانىن اتاپ ءوتتى. 

- زايسان، شەمونايحا، گلۋبوكوە اۋداندارىندا استىق جيناۋ كورسەتكىشتەرى بەلگىلەنگەن مەجەدەن اسىپ ءتۇسىپ، ءبىر گەكتاردان 20 سەنتنەر ءونىم جينالدى. بۇل جەرگىلىكتى شارۋا قوجالىقتارى وزىق تەحنولوگيا تاسىلدەرىن قولدانعانىن كورسەتىپ وتىر، - دەدى شقو اۋىلشارۋاشىلىعى باسقارماسىنىڭ باسشىسى قونىسباي تولەۋبەكوۆ. 

استىق جيناۋ ناۋقانىنىڭ قورىتىندىسى بويىنشا شارۋا قوجالىقتارى ىشكى سۇرانىستى تولىعىمەن قامتاماسىز ەتكەندىگى بەلگىلى بولىپ وتىر. ارتىعى كورشى ەلدەرگە ساتىلىمعا شىعارىلماق. الدىن الا بولجام بويىنشا بيىل بيدايدىڭ ءبىر تونناسى 40 مىڭ تەڭگە شاماسىندا ساۋدالانادى. بۇل شارۋالار ءۇشىن وتە ءتيىمدى باعا.