تۇركيادا 300-گە جۋىق ادامنىڭ ءومىرىن قيعان اپات بولعان شاحتادا ءبىر قازاق جىگىتى جۇمىس ىستەيدى ەكەن. قانداسىمىزبەن وسى ەلدەگى ۇلتتىق ارنانىڭمەنشىكتى ءتىلشىسى سۇحباتتاستى. 

ال، شاحتەرلاردى قۇتقارۋ وپەراسياسى ءالى جالعاسىپ جاتىر. بۇگىن بيلىك وكىلدەرى جەر استىندا قالىپ قويعاندار تۋرالى العاش رەت مالىمەت تاراتتى.

شاحتانىڭ ىشىندە ءالى 20-عا جۋىق ادام بار. سوندىقتان، قازا بولعانداردىڭ سانى 300-دەن اسۋى مۇمكىن. تۇركيا بيلىگىنىڭ العاشقى تاراتقان مالىمدەمەسى - وسىنداي. الايدا، كەنشىلەر بۇل كورسەتكىش ودان دا كوپ، دەپ وتىر. ابدۋللاح تەكمان - تۇركياداعى قانداسىمىز. جارىلىس بولعان شاحتادا كەنشى بولىپ جۇمىس ىستەيدى. سول كۇنى دەنساۋلىعىنا بايلانىستى كەزەكشىلىككە شىقپاعان. جالعىز ءوزى ۇيىنە قايتىپتى. ال، قاسىنداعى 25 سەرىگى وسى اپتتان قازا تاپتى. كەنش ابدۋللاح تەكمان وسىدان 15 كۇن بۇرىن شاحتادا باس بارماعىمدى قىستىرىپ العان ەكەن. «دارىگەر ماعان ەمدەلۋگە 7 كۇن ۋاقىت بەردى. جارىلىستان ءبىر كۇن بۇرىن كەلدىم. دارىگەر قايتادان 10 كۇنگە قايتارىپ جىبەردى. ەرتەڭىندە تۇندە جارىلىس بولىپتى»، - دەيدى ءبىر اجالدان امان قالعان قانداسىمىز. «قازا بولعانداردىڭ وتباسىنا جان-جاقتان كومەك كورسەتىلىپ جاتىر. بۇگىن ءبىلىم مينيسترلىگىنىڭ قورى مارقۇمداردىڭ بالالارىن تەگىن وقىتۋ تۋرالى شەشىم قابىلدادى. سونداي-اق، ەلدىڭ اتاتقى فۋتبولشىلارى، انشىلەرى ءتىپتى ءبىرقاتار شەتەلدىك جۇلدىزدار شاڭىراعى شايقالعان جانۇيالارعا اقشالاي كومەك كورسەتۋدە»،- دەيدى «قازاقستان» تەلەارناسىنىڭ ءتىلشىسى باقىتجان ومار.

قازاقپارات