قازاقستاندا ۇلتشىلداردى قۋدالاۋدىڭ ناۋقانى باستالاتىن ءتۇرى بار. 
بۇرىندارى دەموكراتيالىق وپپوزيسيا قاتارىنا جاتاتىنداردى قۋدالايتىن، ەندى، مىنە، تاۋەلسىزدىك ءۇشىن كۇرەسكىسى كەلەتىندەرگە كىرىسكەن سياقتى. ايتالىق، بۇگىن قاسىم امانجولدى دا ۇقك- گە شاقىرىپتى. 
    اشىعىن مويىندايىقشى: تاۋەلسىزدىك، مەملەكەتشىلدىك، ەلىمىزدىڭ كەلەشەگى دەگەن نارسە تەك قانا ۇلتشىلدارعا كەرەك ءقازىر. وسى قۇندىلىقتاردى تەك قانا ۇلتشىلدار قورعاپ كەلە جاتىر. ەۋرازيالىق وداققا قارسى شىققان كىم؟ قازاقستاننىڭ تۇتاستىعىن قورعاۋ كەرەك دەگەن ماسەلەنى كوتەرىپ جۇرگەن كىم؟ رەسەي اسكەري پوليگوندارىنا قاتىستى ماسەلەنى كوتەرگەن كىم؟ ۇلتشىلدار! ۋكراينا ساباعى دا سونى كورسەتىپ وتىر. ءقازىر ۋكراينانى قورعاپ، مەملەكەت تاۋەلسىزدىگى ءۇشىن كۇرەسىپ جۇرگەندەر "باتكوۆششينا" نە "ۋدار" ەمەس، ءدال سول ۇلتشىلدار! جاساقتار دايىنداپ، لۋگانسك پەن دونەسكتى نەگىزىنەن قورعاپ جاتقان دا سول ۇلتشىلدار. بۇدان شىعاتىن قورىتىندى: ءدال بۇگىنگى زاماندا مەملەكەت تاۋەلسىزدىگىن تەك قانا ۇلتشىلدار قورعاي الادى. ۇلتشىلداردان باسقا سەنىم ارتاتىن كۇش جوق.