حالىق جازۋشىسى، اقىن ولجاس سۇلەيمەنوۆ كەشە ۇلتتىق كىتاپحانادا ءوزىنىڭ  مەرەيتويىنا ارنالعان  جيىندا تاڭقالارلىق مالىمدەمە جاسادى.  تۇركى تىلدەرىنىڭ قىر-سىرىن  زەرتتەگەن  عالىم  "مامىر"، "جەلتوقسان"، "ءماجىلىس" سەكىلدى قازاقشا  اتاۋلارعا قارسى ەكەنىن  ايتتى، دەپ جازادى zakon.kz

    "ءبىز  جىل سايىن وسى  زالدا كەزدەسەمىز. مامىر ەمەس،  ماي ايىندا. مەن "مامىر" سوزىنە  قارسىمىن. بۇل اتاۋدىڭ قاشان  پايدا  بولعانىن بىلمەدىم، ءبىراق ماعان  "ماي" دەپ  اتاعان ۇنايدى. "ماي" اتاۋى شاراپپەن ماعىنالاس، پارسى تىلىندە ماي - شاراپ دەگەندى بىلدىرەدى. ماي - بۇل سارى ماي. قۇلاققا جاعىمدى! ال، "مامىر" قۇرىلىس جانە قالدىقپەن ماندەس قاتىستى اراب ءسوزى.   

ءبىزدىڭ ءتىل ماماندارىمىز  كەڭەس  وداعى قۇلاعان سوڭ، ءبىرتالاي اتاۋلاردى وزگەرتكەن بولاتىن.   "كەڭەس" ءسوزىن ءماجىلىس  دەگەن جيىن دەگەن ماعىنا بەرەتىن اراب سوزىمەن اۋىستىرعان ەدى. الايدا، كەڭەس  دەگەن ءسوز  ىقىلىم  زاماننان كەلە  جاتقان اتاۋ ەكەنىن ۇمىتپاۋىمىز كەرەك. "كەڭەس" - سوۆەت دەگەن  قالىپتى ءسوز. الەمنىڭ كوپ ەلدەرىندە وسىلاي ايتىلادى. ال ءبىز ونى  الماستىرىپ  الدىق. "مايدى" دا مامىر دەپ  وزگەرتتى. مامىرر-ر-ر-ر. قاتاڭ ەستىلەدى. سول سياقتى، جەلتوقسان - توقسان جەل دەگەندى بىلدىرەدى. نەگە 80 ەمەس، نەگە  ءدال 90؟ ال، اي اتاۋىنىڭ ءتۇپ-تامىرى  قارلۇقتاردا  جاتىر: «سوعىماي» دەپ  اتاعان دۇرىس.  ءمان-ماعىناسى  قانداي  تەرەڭ، سول ماۋسىمنىڭ بارلىق  ەرەكشەلىكتەرى سىيىپ تۇر. وسى  سەكىلدى  حالىقتىق اتاۋلارمەن الماستىرۋ كەرەك. 

  مەن  بۇل ايدى ماي  دەپ  اتاۋدى جالعاستىرامىن. ماي ايىندا  كوپتەگەن جاقسى ادامدار تۋىلعان. ماسەلەن، قاسىم-جومارت توقايەۆتىڭ تۋعان كۇنىنە وراي، "ءبىز ەكەۋمىز مامىرلىق ەمەس، مايلىقپىز" دەپ ءۇشبۋ حات جازىپ، پاريجدەن قۇتتىقتاۋ تەلەگرامماسىن جولدادىم. ول سول كەزەڭدە قازاقستان سەناتىنىڭ ءتوراعاسى بولاتىن. ول كەلىسەمىن دەي وتىرىپ، 18 مامىر  دەپ  قول قويىپتى. بۇل زاڭدىلىق ەكەنى  راس". 

ءسويتىپ، ەل اعاسى، حالىق جازۋشىسى ولجەكەڭنىڭ باس قاتىرار باستى ماسەلەسى وسى بولىپ تۇر. قازاقتا "ازبان ايعىر ەنەسىنە شابادى" دەگەن ماقال بار. ەل ازدى ما، ەر ازدى ما؟ ونى جۇرت ايتسىن.