الماتى اكىمى احمەتجان ەسىموۆ گوركيي اتىنداعى ورتالىق مادەنيەت جانە دەمالىس ساياباعىن جاڭعىرتۋ ماسەلەلەرى بويىنشا جۇمىس جيىنىن وتكىزدى. قالا اكىمى ساياباقتا بولاشاقتا پايدا بولاتىن دەلفيناريي مەن مۇز ارەناسىنىڭ جوباسىن ماقۇلدادى.

بۇل وبەكتىلەردىڭ جالپى كولەمى 7300 شارشى مەتردى قۇرايدى. اۋماعى 1000 شارشى مەتر بولاتىن دەلفيناريي 750 ورىندى بولماق. ال مۇز ارەناسىنىڭ سىيىمدىلىعى 900 ورىندى قۇرايدى. جىل سوڭىنا دەيىن جوبالاۋ جۇمىستارى اياقتالىپ، قۇرىلىس باستالۋى ءتيىس.

الماتى اكىمى بۇل وبەكتىلەردىڭ الەۋمەتتىك-مادەني ءمانى زور بولاتىندىعىن ەرەكشە اتادى. دەلفينارييدە ءتۇرلى سىرقاتقا ۇشىراعان بالالار ەمدەۋ-ساۋىقتىرۋ كۋرستارىنان وتەتىن بولادى.

قازىرگى كەزدە ساياباق اينالاسىندا اباتتاندىرۋ جۇمىستارى جۇرگىزىلىپ جاتىر. 10 مىڭ شارشى مەتر جەرگە كوگال جاسالىپ، 2،5 مىڭ شارشى مەتر جەر گۇلزارعا اينالدى. امفيتەاتر مەن ورىندىقتار جاڭارتىلىپ، جاڭا اۆتوكولىك پاركى سالىنۋدا.

ەستەرىڭىزگە سالا كەتەيىك، 2013 جىلى اتالعان ساياباق قالانىڭ كوممۋنالدىق مەنشىگىنە قايتارىلدى، دەپ مالىمدەدى اكىمنىڭ باسپا ءسوز قىزمەتىنەن.