1 ماۋسىمدا العاش رەت قازاقستاندا Esentai Mall ساۋدا-ويىن-ساۋىق ورتالىعىندا «Kids on The Moon (ايداعى بالدىرعاندار)» ينتەراكتيۆتىك جوباسى ىسكە قوسىلدى. جوبا الماتى قالاسى اكىمدىگىنىڭ قولداۋىمەن ءوتتى.

كورمەنى الماتى قالاسى اكىمىنىڭ ورىنباسارى زاۋرەش امانجولوۆا، تۇڭعىش قازاق عارىشكەرى، كەڭەس وداعىنىڭ باتىرى، «حالىق قاھارمانى» اتاعىنىڭ يەگەرى توقتار اۋباكىروۆ جانە Esentai Mall باسقارۋشى ديرەكتورى اگنەشكا نوۆاك اشتى. كورمەنى اشۋ قوناقتارى قازاقستاندىق شوۋ-بيزنەس جۇلدىزدارى، تانىمال ديزاينەرلەر، تەلەجۇرگىزۋشىلەر جانە وزدەرىنىڭ بالالارىمەن سالتانات بايمۋحامەدوۆا، قۇرالاي ءنۇرقادىلوۆا، تولقىن زابيروۆا جانە ت.ب. بولدى.

امانجولوۆا حانىم كورمەنى اشا وتىرىپ، ءبىزدىڭ ەلىمىزدىڭ تاريحى مەن ادامنىڭ عارىشتى زەرتتەۋى تىعىز بايلانىستى: يۋريي گاگارين ءوزىنىڭ العاشقى عارىشقا ۇشۋىنا ءدال سول بايقوڭىر كوسمودرومىنان اتتانعانىن اتاپ ءوتتى. ول «ايداعى بالدىرعاندار» جاتتىقتىرۋشى جوباسىنىڭ وسكەلەڭ ۇرپاقتى عارىشتى زەرتتەۋگە تارتۋ ءۇشىن نەگىز بولاتىنىنا سەنىمدى. ايعا ۇشا وتىرىپ، ءدال وسى جەردە، بالالاردىڭ ءبىرى ونىڭ تاعدىرىنىڭ – عارىش ەكەندىگىن ءتۇسىنۋى بەك مۇمكىن.

«يۋريي گاگاريننىڭ عارىشقا ۇشۋىن بۇكىل الەم باقىلادى، سونىڭ ىشىندە مەن دە جانە كوپتەگەن بالالار، ءتىپتى ەرەسەكتەردىڭ وزدەرى دە سول ۋاقىتتا عارىشقا ۇشۋدى ارماندادى. « ايداعى بالدىرعاندار» - كەرەمەت جوبا، مۇندا ءقازىردىڭ وزىندە مىڭداعان بالالار ارماندارىنا قول جەتكىزە الادى»، - دەپ ءوز ويىمەن ءبولىستى توقتار اۋباكىروۆ.