17 ماۋسىم كۇنى ەلورداداعى بەيبىتشىلىك جانە كەلىسىم سايرايىندا باتىر ەر جانىبەك بەرداۋلەت ۇلىنىڭ 300 جىلدىق مەرەيتويىنا ارنالعان «ەل قورعانى - ەر جانىبەك» اتتى حالىقارالىق اقىندار ايتىس وتەدى.
«نۇر وتان» پارتياسىنىڭ قولداۋىمەن «ەر جانىبەك» حالىقارالىق قورى ايتىس اقىندارى مەن جىرشى، تەرمەشىلەرىنىڭ حالىقارالىق وداعىمەن بىرلەسىپ وتكىزىپ جاتقان شاراعا قازاقستاندىق جىر دۇلدۇلدەرىنەن وزگە، جۇڭگو، مونعوليا ەلدەرىنىڭ ايتىسكەرلەرى قاتىسادى دەپ كۇتىلۋدە.
اتاپ ايتقاندا، قىتايدان قاناتبەك ءزايتوللا ۇلى، انارگۇل بادەلحان قىزى، مونعوليادان ءساتجان ءتىلاشقان سەكىلدى قانداستارىمىز ءوز ونەرلەرىن ورتاعا سالسا، ماقسات اقانوۆ، ايبەك قالييەۆ، قارلىعاش اۋباكىروۆا، ەركەبۇلان قاينازار، اسەم ەرەجە قىزى، باۋىرجان قاليوللا، يران-عايىپ كۇزەمبايەۆ، ەرجەڭىس ءابدى، رينات زايىتوۆ، جاقسىلىق ورىنباسار، مەيىربەك سۇلتانقان سىندى اقىندار قازاق ەلىنىڭ اتىنان ءسوز سايىستىرادى.
ايتىس 17 ماۋسىم كۇنى ساعات 17.00-دە استاناداعى بەيبىتشىلىك جانە كەلىسىم سارايىندا وتەدى.
"قازاقپارات"
