جىل سايىنعى ءداستۇر  بويىنشا، ۇلتتىق ءبىرىڭعاي  تەستىلەۋ بيىل دا ۋ-شۋسىز وتپەدى. بيىلعى ۇبت دا وزىندىك ەرەكشەلىكتەرىمەن وقۋشىنىڭ دا، اتا-انانىڭ دا ەسىندە جاقسى ساقتالىپ قالاتىن بولدى. "ەرەكشەلىگى" دەيتىنىمىز سول، مەكتەپ پاندەرىنە  مۇلدە  قاتىسى  جوق سۇراقتار  تولىپ  ءجۇر.  ماسەلەن،  "الماتىدا سىرا  زاۋىتى  قاشان اشىلدى؟" دەگەن سۇراقتىڭ قويىلۋى مەكتەپ تۇلەگىن مازاقتاعانى ەمەس پە؟ قابىرعاسى قاتىپ، بۇعاناسى بەكىمەگەن  مەكتەپ وقۋشىسىنىڭ سىرا زاۋىتىندا نە  شارۋاسى بار؟ سۇراق قۇراستىرۋشىلاردىڭ لوگيكاسى قايدا؟ "ايقىن" گازەتىنىڭ جازۋىنشا، بۇل سۇراقتىڭ جاۋابىن ءبىلىم جانە عىلىم ءمينيسترى اسلان ءسارىنجىپوۆتىڭ ءوزى دە بىلمەي، تىلشىلەردىڭ الدىندا قارا تەرگە ءتۇسىپتى. مينيستر «اپەللياسيالىق كوميسسياعا شاعىمدانسىن» دەپ مىڭگىرلە­گەننەن باسقا تۇك تە ايتا المادى. سوندا ءبىلىم سالاسىنا الماتى سىرا زاۋىتىنىڭ قانداي قاتىسى بار؟ الدە ءسارىنجىپوۆ مىرزا سالقىن سىرانى سىلتەگەندى ۇناتا ما؟ الدە بۇل سىرا زاۋىتىنىڭ جارناماسى ما؟! دەپ،  ورىندى  بايلام  جاساعان.

  تەست سۇراقتارىنىڭ اراسىندا  "ماحامبەتتىڭ رۋى نە؟" دەگەن ستيليستيكالىق تۇرعىدا دۇرىس قۇراستىرىپماعان سۇراقتار بار؟ سونىمەن  قاتار، بەلگىلى تۇلعالاردىڭ تۋعان  جىلدارىن  قاتىستى ەكىۇشتى  جاۋابى  بار سۇراقتار بار. وسىنداي جولمەن ءبىلىم ساپاسىن سىناۋ  كىمگە  پايدالى؟

   اسىلى،  سۇراقتى  قۇراستىرعان  مامانداردىڭ ءوزىنىڭ ساۋاتتىلىعىنا كۇمان كەلتىرۋگە بولادى. بارشامىزعا  بەلگىلى،  تەست تۇراقتارىن جاسايتىن ماماندار ارنايى  تاڭداپ  الىنىپ،  سۇزگىدەن  وتكىزىلەدى. الايدا، جوعارىداعىداي سۇراقتاردى كورگەندە  قالاي تاڭدالعانىنا تاڭ قالماسقا  امالىڭ جوق.

      ۇبت مەكتەپ وقۋشىلارىن وتىرىك پەن  الاياقتىققا  ۇيرەتىپ كەلە جاتىر. جوو-دا اقشامەن وقيتىن جاستاردىڭ نەگىزى وسى مەكتەپ قابىرعاسىنان باستاپ بويلارى ۇيرەنە باستايتىن سەكىلدى.  ۇبت-نىڭ سۇراقتارى  ساۋدا  ءتۇسىپ، 10 بالل -100 مىڭ تەڭگە، 100 بالل - 300 مىڭ تەڭگەگە باعالانىپتى. باللدىڭ باعاسى  بار،  ال ءبىلىمنىڭ  باعاسىن كىم  بەرەدى؟ مينيسترلىكتىڭ مالىمەتىنە سۇيەنسەك، تاركىلەگەن ۇيالى تەلەفون، سول  شامالاس شپارگالكا، كالكۋلياتور،  فوتواپپارات،  فلەشكانىڭ سانىندا  قيساپ جوق.  ءبىر كۇننىڭ وزىندە ءتارتىپ بۇزعانى ءۇشىن 13 تالاپكەر اۋديتوريادان شىعارىلدى. تەست تاپسىرۋشىلاردان 5 962 ۇيالى تەلەفون، 1 783 شپارگالكا، 121 كالكۋلياتور، 6 فوتواپپارات، 2 راسيا تابىلعان.  ال،  تەلەفوندارىن بەلدىگىنە قىستىرىپ، تەكسەرۋدەن ءوتىپ كەتكەندەرى قانشاما؟

    بۇدان تۇيگەنىمىز، مەكتەپ وقۋشىلارى 11 جىل العان ءدۇدامال بىلىمىمەن قوسا، وتىرىكتى بويىنا ءسىڭىرىپ وسۋدە  دەگەن ويعا جەتەلەيدى.