«2014 جىلدىڭ 5 ماۋسىمىندا اۆستريا رەسپۋبليكاسىنىڭ قۇقىق قورعاۋ ورگاندارى ۆەنا قالاسىندا ر.م.الييەۆتى ۇستاعان.
ۆەنا قالاسىنىڭ پروكۋراتۋراسى وكىلدەرىنىڭ مالىمدەمەسىنە سايكەس، ر.م.الييەۆتى ۇستاۋعا «نۇربانك» اق توپ-مەنەدجەرلەرى ج.تەمىرالييەۆ پەن ا.حاسەنوۆتى ۇرلاۋ جانە ءولتىرۋ فاكتىسى بويىنشا تەرگەۋ ماتەريالدارى نەگىز بولعان.  مۇنىڭ الدىندا وسى ايىپتاۋلار بويىنشا ەكستراديسيا جاساۋدان باس تارتىلعاندىعىنا بايلانىستى قازىرگى ۋاقىتتا بۇل تەرگەۋ جۇمىستارىن اۆستريانىڭ قۇزىرەتتى ورگاندارى جۇرگىزۋدە. اۆستريالىق تاراپ وسى ءىس بويىنشا قۇقىقتىق كومەككە جۇگىنگەن جاعدايدا قازاقستان رەسپۋبليكاسىنىڭ باس پروكۋراتۋراسى ونى ءتيىستى كولەمدە كورسەتۋگە دايىن. اۆستريالىق تاراپتان وسى ءىس بويىنشا رەسمي اقپاراتتىڭ ءتۇسۋى تۋرالى قوسىمشا حابارلاناتىن بولادى»، - دەلىنگەن حابارلامادا. 

تاۋەلسىز ساياساتكەر  ءامىرجان  قوسانوۆ الييەۆتىڭ  تۇتقىندالۋىنا قاتىستى  ءوز كوزقاراسىن  ءبىلدىردى:   ەگەر دە بۇل اقپارات راس بولسا، وندا مىناداي بىرنەشە سۇراق تۋادى.بىرىنشىدەن، ول پوليسياعا نەگە ءوز ەركىمەن كەلدى؟ بۇل شاراسىزدىق پا، الدە الدىن-الا ويلاستىرىلعان قادام با؟ بالكىم، «مەن شەتەل قۇقىق قورعاۋ ورگانىنا ءوزىم كەلدىم، ەندىگى جەردە سويلەي باستاسام...» دەگەن ءبىزدى بيلىككە بەرگەن بەلگىسى مە؟ ەكىنشىدەن، بيلىكتىڭ ءوزى كەشەگى «كرۋتوي» كۋيەۋبالانى قولعا تۇسىرۋگە شىنىمەن دە نيەتتى مە؟ مەنىڭشە، قازىرگى بىيلىك ءوزىنىڭ ىشكى قۇپيالارىنا ابدەن قانىق ول سياقتىلاردىڭ شەتتە جۇرە بەرگەنىنە مۇددەلى. ايتپەسە، ولار ءبىزدىڭ سوتتا سويلەي باستاسا، ساياسي جۇيە استان-كەستەن بوپ كەتۋى مۇمكىن! ويتكەنى قازىرگى بيلىكتە وتىرعان كوپ ادامنىڭ ارتى اشىلىپ قالۋى ءسوزسىز! اشىنعان كۇيەۋ بالا ولارعا دۇشپان بولارى حاق! ۇشىنشىدەن، ءوزىن ءوزى قورعاپ قالۋ ماقساتىندا كەشەگى كۇيەۋ ءوزىن «قازاقستانداعى اۆتوراتيرازيممەن كۇرەستىڭ كوشباسشىسمىن» دەگەن جەلەۋدى پايدالانۋى مۇمكىن. ءبىراق تا ەل ىشىندە وسى كۇنگە دەيىن الييەۆكە قاتىستى ايتىلىپ جۇرگەن ادام دەنەسى تۇرشىگەرلىك وقيعالار مەن ساۋالدارعا ول ءوزىنىڭ اشىق تا بۇكپەسىز جاۋابىن بەرمەي، ونى قۋدالاداۋدىڭ ساياسي استارىنا ەشبىر ەل ءمان بەرمەۋ ءتيىس. ايتپەسە، كەز كەلگەن كەشەگى قىلمىسكەر ءبىر كۇننىڭ ىشىندە ءوڭىن اينالدىرىپ، «وپپوزيسيونەر» بوپ شىعا كەلۋى مۇمكىن عوي. وندا نە ىستەيمىز؟ كەشە عانا قاسىمىزدا زامانبەك، باتىرحان، التىنبەك، اسقات بىرگە بولعان قاتارعا قابىلداي سالامىز با؟ سوندىقتان اليەۆ مىرزا ءوزىنىڭ جەكە باسىنا تاعىلىپ جاتقان اۋىر دا ادام كوتەرگىسىز ايىپتارعا جاۋاپ بەرۋى ءتيىس! ءتورتىنشى ماسەلە – وتباسىلىق ماسەلە. ەل ىشىندە «الييەۆ كۇيەۋ بالاسى عوي، ءوز قولىنان ەلباسى قالاي كەسەدى؟» دەگەن دە ءسوز جوق ەمەس. بالكىم ۆەنادا ءوزى پوليسياعا كەلۋى سول ۇلكەن سەنارييدىڭ ءبىر بولىگى بولار؟  بەسىنشى ماسەلەگىڭ گەوساياسي استارى بار. الييەۆ ۇقك-نىڭ ءبىرىنشى ورىنباسارى بولعان ادام، بىلمەيتىنى جوق. سونىڭ ىشىندە ەل ەكونوميكاسى مەن كاۋىپسىزىدىگەن قاتىستى قۇپيا ماسەلەلەرگە قانىق بولعان. كىم بىلەدى، ەندىگى جەردە لنى ەلگە ەكستراديسيالاۋ ماسەلسىن باتىس ەلدەرى ءوزىنىڭ قازاقستانمەن ساياسي ويىنىندا پايدالانارى دا مۇمكىن. ەڭ سوڭعى ماسەلەنىڭ ىشكى ساياسي ومىرگە، سونىڭ ىشىندە تاقتالاستىق تاقىرىپقا تىكەلەي قاتىسى بار. ويتكەنى ءوزى تۋرالى، ساياسي جۇيە تۋرالى كەشەگى كۇيەۋبالاسىنىڭ وسىندا كەلىپ، جۇرت بىلە بەرمەيتىن جايتتاردى ايتا باستاعانى پرەزيدەنتكە كەرەك ەمەس. ال ونى سونشاما كۇش سالىپ، ەلگە قايتارعىسى كەلەتىن قانداي كۇش ەكەن؟ 

دەرەككوزدەر   baq.kz، facebook.com