«پروتون-م» زىمىرانتاسىعىشىنىڭ اپاتىنا وندىرىستىك اقاۋ سەبەپ بولدى. ساراپشىلار كوميسسياسى وقيعانىڭ ءمان-جايىن انىقتاۋمەن اينالىسىپ، وسىنداي قورىتىندىعا كەلىپ وتىر. 20 ادامنان قۇرىلعان كوميسسيانىڭ تۇسىندىرۋىنشە، زىمىرانتاسىعىشتى قۇراستىرۋ كەزىندە قاتەلىك جىبەرىلگەن. ەستەرىڭىزدە بولسا، «پروتون-م» زىمىرانتاسىعىشى بايقوڭىر عارىش ايلاعىنان 16 مامىردا ۇشىرىلعان. ول وربيتاعا اسا قۋاتتى تەلەكوممۋنيكاسيالىق جەر سەرىگىن الىپ شىعۋ ءتيىس ەدى. الايدا ۇشۋدىڭ ءۇشىنشى ساتىسىندا زىمىراننىڭ رولدىك قوزعالتقىشى ىستەن شىققان. سالدارىنان زىمىرانتاسىعىش پەن جەر سەرىگى جۇڭگو اۋماعىنداعى اتموسفەرانىڭ قالىڭ قاباتىندا جانىپ كەتتى.
24.kz
