ۋكراينا ۇكىمەتى اسكەرى رەسەيشىل سەپاراتيستەر باقىلاۋىندا بولعان ماريۋپول قالاسىن قايتارىپ العانىن حابارلادى.
ۋكراينا ىشكى ىستەر ءمينيسترى ارسەن اۆاكوۆ Facebook-تەگى پاراقشاسىندا ۇكىمەت اسكەرى 13 ماۋسىمدا تۇسكە تامان قالالىق اكىمدىك ۇستىنە ۋكراين تۋىن تىككەنىن جازدى. ءمينيستردىڭ ايتۋىنشا، ۇرىستا بەس سەپاراتيست قازا تاۋىپ، ەكى ۋكراين ساربازى جارالانعان.
بۇدان بۇرىنىراق اۆاكوۆ ۋكراين ساربازدارى تاڭ اتا ماريۋپولگە شابۋىلداعانىن حابارلاعان.
ۋكراينا پرەزيدەنتى پەتر پوروشەنكو 12 ماۋسىمدا رەسەي پرەزيدەنتى ۆلاديمير پۋتينمەن تەلەفون ارقىلى سويلەسىپ، ەلدىڭ شىعىسىنا رەسەي جاقتان ءۇش تانكى مەن بىرنەشە اسكەري كولىكتىڭ كىرگەنىنە نارازىلىق بىلدىرگەن.
Azattyq.org
