ءار ەلدىڭ وزىنە ءتان وتە دورەكى، انايى، شەكتەن شىققان بالاعات سوزدەرى بولادى. ونى ەستىگەندە بەيادەپ سوزگە جاقىن ادامداردىڭ ءوزى قىزارىپ كەتۋى مۇمكىن. قۇرىلىسشىلار مەن ساۋداگەرلەر ءۇشىن تاڭ ەمەس سونداي ءسوزدىڭ ەندى ۇلكەن-كىشى، كارى-جاس، ايەل-ەركەك، بالا-شاعا تۇگەل ايتاتىن سوزگە اينالعانىن ەلەستەتىپ كورىڭىزشى. داعدارىسقا تۇسكەن ۋكراينادا رەسەي پرەزيدەنتى ۆلاديمير ءپۋتيندى ەر ادامنىڭ مۇشەسىنە تەڭەگەن دورەكى ءسوز «Yes We Can» («شامامىز جەتەدى») نەمەسە «Vive La Revolution» («ريەۆوليۋسيا جاساسىن») دەگەن ايگىلى تىركەستەر ءتارىزدى ۇرانعا اينالىپ كەتتى. باسقا دا ماعىنالارى بار بۇل ءسوز باننەرلەر مەن ۇيلەردىڭ قابىرعالارىنا جازىلىپ، رەسەيدىڭ ارەكەتىنە نارازى مىڭداعان ۋكراينالىقتىڭ اۋزىنان تۇسپەيتىن بولدى. «پۋتين – ...» دەگەن تىركەس انگە اينالىپ، ونى تاۋەلسىزدىك الاڭىنا كەلگەندەر شىرقاپ، ءتىپتى جاپونيا مەن كاليفورنياداعى ۋكرايناعا نيەتتەس ادامدار دا سونى قايتالادى...

http://www.azattyq.org/