بىرنەشە كۇن بۇرىن Abai.kz سايتى قازاقستاننىڭ سىرتقى قارىزى 150 ميلليارد دوللارعا جەتكەنى تۋارى اقپارات بەردى.  وندا: «قازاقستاننىڭ سىرتقى قارىزى – 150 ميلليارد اقش دوللارىنا جەتتى. ەلىمىز الەمدىك رەيتينگتە 148 مەملەكەتتىڭ ىشىندە 14-ورىنعا يە بولىپ كەلەمىز»، - دەگەن ق ر پرەمەر-مينيسترىنىڭ ورىنباسارى، قارجى ءمينيسترى باقىت سۇلتانوۆتىڭ پارلامەنت پالاتالارىنىڭ بىرلەسكەن وتىرىسىندا ءماجىلىس دەپۋتاتى ايگۇل نۇركيناعا بەرگەن جاۋابى جازىلعان.

بىزگە جەتىپ جاتقان كەيبىر اقپارات كوزدەرىنە قاراعاندا سوڭعى جىلدارى قازاقستاندا قولدى بولىپ، شەتەلدىك وففشورلارعا اۋدارىلعان قارجىنىڭ كولەمى دە تۋرا وسى 150 ملرد. اقش دوللارىن قۇرايدى ەكەن. سوندا ەلىمىز شەتەلدەردەن العان قارىزداردىڭ 100 پايىزى قولدى بولدى دەگەن ءسوز.

سوڭعى كەزدەرى ەلباسىنىڭ سول قولدى بولعان قارجىنى زاڭداستىرۋعا كىرىسىپ كەتۋىنىڭ ءوزىن – امالسىزدان مويىنداۋ دەپ قابىلداۋىمىز كەرەك.

العان قارىزى جاعىنان ءبىزدىڭ ەلىمىز الەمدەگى 148 ەلدىڭ ىشىندە 14ء-ى ورىندا  تۇرۋىنىڭ ءوزى – ماقتاناتىن كورسەتكىش ەمەس.

ءبىزدىڭ بيلىك قازاقستان حالقىنىڭ سانى 17 ميلليون ادام  دەيدى. وعان سەنەيىك. سوندا 150 ملرد اقش دوللارىن وسى 17 ميلليون حالىق سانىنا بولسەك  - 8824 دوللار شىعادى ەكەن.

بۇل – قازاقستاننىڭ ءار ازاماتى ول دوللاردى قولدارىنا ۇستاپ كورمەسە دە، شەتەلگە وسىنشالىقتى قارىز دەگەن ءسوز. ال، ونىڭ جىل سايىنعى ءوسىمىن قايدا قوياسىڭ؟

ءبىر وتباسىندا ورتاشا 5 جان باسى تۇرادى دەلىك. جاڭاعى 8824 دوللاردى وسى 5-كە كوبەيتسەك – 44 مىڭ 120 اقش دوللارىنان اينالادى ەكەن. بىزدەگى قازاقستاندىقتاردى قايدام، كەز كەلگەن قازاقتىڭ تۇسىنە دە كىرمەيتىن اقشا بۇل!

 جۇماش كوكبورى