كۇيەۋ تاباق – قازاق كۇيەۋ بالانى دا اتا جولىمەن، اق داستارقانىمەن ورنىنا قاراي كۇتە بىلگەن عوي. قازاقتىڭ جولىن، سالتىن بىلەتىن كۇيەۋلەر قايىن جۇرتىنا كەلگەندە ادەپتى، ءتارتىپتى، يبالى جولدى بولىپ وتىرادى. تورگە شىقپايدى، قايىن اتا، قايىن ەنەسىنىڭ باس جاعىنا، وڭ جاعىنا جوعارى شىعىپ وتارمايدى، توسەگىنە شىقپايدى. كۇيەۋدىڭ جاقسى-جاعىمدى قاسيەتىنە ريزا بولعان قايىن جۇرتى «پايعامبار دا كۇيەۋ بالاسىن سىيلاعان» دەپ كۇيەۋگە اقسارباس قوي سويادى دا، «كۇيەۋ تاباق» تارتادى. كۇيەۋ تاباققا اسىق جىلىك، ءتوس، ورتان جىلىك، سۇبە قابىرعا، ارقا، بەلدەمە، قارىن، توق ىشەك سالادى. مۇنى قازاق كادەسىندە «كۇيەۋ تاباق» دەپ اتايدى، اتا قازاقتا تاعى دا «كۇيەۋ كۇل استىنان» دەگەن ءتامسىل بار. ونى كەيدە «كۇيەۋ گۇل استىنان» دەپ تە ەركەلەتىپ قويادى. مەيلى كۇل، مەيلى گۇل استىنان شىعارسىن، ءبارىبىر كۇيەۋ جولى باسقا وت استىنان ويناپ شىقسىن، گۇل استىنان جايناپ شىقسىن، قايىن جۇرتى ءۇشىن قاشاندا كۇيەۋ ءقادىرلى بولماق، ىستىق بولماق. «كۇيەۋ تاباق» دەگەن سىيلى سىباعا دا سونى تولىق ايعاقتماق، دالەلدەمەك.
بولات بوپاي ۇلى جوتا قاجى
