جۇلدىزدار شوعىرىنىڭ ءاربىر جۇلدىزى جارقىراپ جانعان سايىن كەدەرگىلەرى مەن داۋلارى كوبەيۋدە. كەشە عانا حالىق ءارتىسىمىز- روزا رىمبايەۆانىڭ ۇلتتىق تاعامدى ۇلىقتاۋى داۋعا اينالىپ ارتى باقتيار ارتايەۆتىڭ بىرەۋدى ۇردى دەگەن جالعان اقپارىمەن تولىعىپ، ەندى مىنە ەسترادا جۇلدىزىمىز قايرات نۇرتاستىڭ دا باسى داۋعا قالدى. ق.نۇرتاستىڭ بۇل ءبىرىنشى داۋى ەمەس. «پرايم-پلازانىڭ» الدىندا بولعان جانجالدىڭ شوعى قايتا كەلىپ قايراتتىڭ ەتەگىنە ءتۇستى. دالىرەك ايتساق، MCKZ ارناسىنىڭ اشىلۋ سالتاناتى كەشىنە بەلگىلى ءانشى قايرات نۇرتاس كەلەدى دەپ جوسپارلانىپ، جۇرت جابىلا بيلەت العان. وكىنىشكە وراي الاياقتاردىڭ الداۋىنا ءتۇسىپ قالعان جالعىز حالىق ەمەس ءانشىنىڭ ءوزى دە بولىپ وتىر. ءان سالۋعا كەلگەن قايراتتى ەشكىمدە كۇتىپ الماعان، ءارى ۇيىمداستىرۋشىلاردا ءىزىم-قايىم جوق بولىپ كەتكەن. ق.نۇرتاس تەك باسقا جۇلدىزدار سەكىلدى بىر-ەكى ءان ايتىپ كەتۋى كەرەك بولعان. ءبىراق، حالىق باسقاشا اقپار العان سوڭ ءانشىنىڭ دايىندىقسىز كەلىپ بىر-ەكى ءانىن قايتالاپ ايتا بەرۋىنە دە تۋرا كەلگەن. بارىنەن بۇرىن بالاسى ءۇشىن شىر-پىر بولعان اناسى ءارى پروديۋسەرى – گۇلزيرا ايداربەكوۆا. بالاسى ەلدى سابىرعا شاقىرۋ ءۇشىن ورتاعا شىعىپ، « قۇرمەتتى كورەرمەندەر، مەن باسقا انشىلەر سياقتى كەلىپ ءان ايتىپ كەتۋىم عانا كەرەك بولعان. ءبىراق، وسىنداي كەلەڭسىز جاعدايعا تاپ كەلىپ وتىرمىز ءارى وتىرمىن. بيلەتتە كەشتىڭ قوناعى قايرات نۇرتاس دەپ تۇر، قاراڭىزدار. مەن قايرات نۇرتاس بولعاننان كەيىن مەنىڭ سۋرەتىمدى شىعارىپ قويعان، كاك بۋدتو مەنىڭ كونسەرتىم سياقتى. ەگەر رۇقسات بولسا مەن ءان سالىپ بەرەيىن الدە قالتامنان اقشالارىڭىزدى قايتارىپ بەرەيىن» -دەپ اعىنان جارىلعان قايراتقا حالىق «ءان سالسىن» دەپ شىرقاپ ەدى. ءبىراق، سوڭىنان اناسىنا كەلىپ اقشا تالاپ ەتكەن.

ميرا اقجىگىتوۆا ەسىمدى كونسەرتكە قاتىسۋشى ازاماتشانىڭ بەرگەن سۇحباتى. سۇحباتتى دايىنداعان «ماسساگەت.كز» سايىتى. - بيلەتتى 3500 تەڭگەگە الدىق. قايرات نۇرتاستىڭ قاتىسۋىمەن ءبىر تەلەارنا اشىلۋى كەرەك ەكەن، قايرات 1 ساعات ءان ايتادى دەگەن، تاعى باسقا انشىلەر بولادى دەپ حابارلاعان. اشىلۋى بالۋان شولاق اتىنداعى سپورت سارايىندا بولادى دەدلىندى. بۇگىن تۇستەن كەيىن – اتاكەنتتە بولادى دەدى. اتاكەنتكە دە باردىق. سويتسەك، رايىمبەك كوشەسىندەگى «داۋلەت» مەيرامحاناسىندا بولادى دەپ تاعى وزگەرتتى. سوندا تاكسيمەن باردىق، زال تولى ەكەن. 20-30 شاقتى ادام دالادا توڭىپ تۇردىق. سول تۇرعانىمىزدى قايرات نۇرتاستىڭ اناسى گۇلزيرا ايداربەكوۆا كورىپ، تەلەفون نومەرلەرىمىزدى جازىپ بەر دەدى. ءبىراق كەيىن ءوزى جوق بولىپ كەتتى. ادمينيستراتور كەلەدى دەگەن سوڭ، ونى دا كۇتتىك. ءبىراق ەشكىم كەلمەدى. سوسىن سوندا ارىز جازدىق.

داۋدىڭ باسى دايرابايدىڭ سيىرى دەمەكشى، ەلدىڭ داۋى – جۇلدىزدار بولىپ كەتكەنى وعاشتاۋ.

مارۇلان اقان