2016 جىلدىڭ 28 قازانى كۇنى ساعات 15.00 - دە قازاقستان رەسپۋبليكاسى تاۋەلسىزدىگىنىڭ 25 جىلدىعىن مەرەكەلەۋدىڭ اياسىندا رەسپۋبليكا سارايىنىڭ الدىنداعى «اباي» الاڭىندا قالا كولەمىندە تۇڭعىش رەت «اباي كوشەسىنىڭ كۇنى» مەيرامىن وتكىزۋ جوسپارلانۋدا.

شارانى ۇيىمداستىرۋشىسى الماتى قالاسى مەدەۋ اۋدانى اكىمىنىڭ اپپاراتى.

كوشە كۇنىن وتكىزۋدەگى نەگىزگى ماقسات – جاستاردى رۋحاني-ادامگەرشىلىك جانە پاتريوتتىق باعىتتا تاربيەلەۋ، اۋداننىڭ ءاربىر تۇرعىنىنا مەرەكەلىك كوتەرىڭكى كوڭىل-كۇي سىيلاۋ، كوشە تۇرعىندارى اراسىنداعى بىرلىكتى نىعايتۋ جانە اباي شىعارماشىلىعىن كەڭىنەن ناسيحاتتاۋ بولىپ تابىلادى.

ءىس-شارا اياسىندا: قولونەر شەبەرلەرىنىڭ جارمەڭكەسى، اۋداندىق شىعارماشىلىق ۇجىمداردىڭ قاتىسۋىمەن مەرەكەلىك كونسەرت، «اباي» وقۋلارى، ۇلتتىق سپورت تۇرلەرىنەن سپورتتىق ويىندار مەن مەرەكەلىك ساۋدا ۇيىمداستىرىلادى.

ايتا كەتەتىن جايت، جىل سوڭىنا دەيىن مەدەۋ اۋدانىندا «دوستىق»، «تولە بي»، «ايتەكە بي»، «قازىبەك بي»، «قابانباي باتىر» كوشەلەرىنىڭ مەيرامىن وتكىزۋ جوسپارلانۋدا.