اقتاۋداعى ەكى ءبۇلدىرشىننىڭ ولىمىنە قاتىستى پورتالىندا ماقالا جاريالانىپ ەدى. سونىڭ قازاقشا نۇسقاسىن قامشى پورتالى وقىرماندار نازارىنا ۇسىنادى.
پروكۋروردىڭ ايتۋىنشا، بۇل قىلمىستىڭ اق-قاراسى ءالى كۇنگە دەيىن انىقتالمادى. زەرتتەۋ جۇمىستارى ويعا قونىمدى اقپارات بەرمەگەندىكتەن زەرتتەۋ جۇمىستارى ۇزاققا سوزىلىپ وتىرعانىن مالىمدەدى. سول سەبەپتى دە ناقتى قىلمىسكەردىڭ اتىن اتاۋ ازىرشە مۇمكىن بولماي تۇر.
ءولىمنىڭ سەبەبىن انىقتاۋ ماقساتىندا تەرگەۋشىلەر مامىر ايىندا استانا قالاسىندا جۇرگىزىلگەن زەرتتەۋ بارىسىندا مەديسينالىق جانە تاكسيكولوگيالىق كوميسسيالار تاعايىنداعان بولاتىن.
«وتە كۇردەلى ءىس. قىلمەسكەرلەردى تابۋ ءۇشىن قازىرگى تاڭدا تەرگەۋ جۇمىستارى ءۇش باعىتتا جۇرگىزىلىپ جاتىر. ءبىرىنشىسى – جاندىكتەردى ۋلاۋمەن اينالىساتىن كورشىلەرىن تەرگەۋ جۇمىسى. ەكىنشىسى – بۇلدىرشىندەرگە مەديسينالىق كومەك قانشالىقتى جاقسى كورسەتىلدى جانە دە نە سەبەپتى ولار كوز جۇمدى؟ ءۇشىنشىسى – اتا-انالارى پاتەردە گازدىڭ ءيىسى بار ەكەنىن بىلە تۇرا ول جەرگە نەگە قايتا ورالدى؟» - دەپ حابارلادى پروكۋرور.
تومەنگى قاباتتا تۇراتىن كورشىلەرىنىڭ ءۇيىن ءتىنتۋ ناتيجەسىندە ءۇش شولمەك ۋكسۋس قىشقىلى جانە دە ءۇش شولمەك قۇرامىندا حلورى بار اعارتقىش سۇيىقتىق تابىلدى.
سوتقا دەيىنگى زەرتتەۋ جۇمىستارى ق ر زاڭىنىڭ 317-بابى 4-تارماعىنا سايكەس مەديسينالىق مامانداردىڭ قاتىسۋىمەن جۇرگىزىلدى.
ناۋرىزدىڭ 13-دە قالالىق بالالار ەمحاناسىنا 6 بىردەي وتباسىنىڭ بالالارى ۋلانۋ سەبەبىمەن تۇسكەن بولاتىن. بۇلدىرشىندەردىڭ اناسى بالالارى كوز جۇمباي تۇرىپ ءبىر كۇن بۇرىن تومەنگى قاباتتاعى كورشىسى پاتەردەگى قاندالالردى ۋلاۋ ماقساتىندا تازارتۋ جۇمىستارىن جۇرگىزگەن ەكەن.
دارىگەرلەر بالالردى اۋرۋحاناعا قابىلداۋدان باس تارتىپ، ۇيلەرىنە قايتارىپ جىبەرگەن. سول كۇنى بۇلدىرشىندەردىڭ جاعدايى تومەندەپ، قايتادان دارىگەرلەرگە بارۋعا ءماجبۇر بولعان. ءتورت جاستاعى ءمۇسلىم تيمۋركەيەۆ كوماعا ءتۇسىپ، بىردەن قايتىس بولدى. بىرنەشە ساعاتتاردان كەيىن التى جاستاعى ءماريام دا كوز جۇمدى.
اۋدارعان: نازەركە لابيحان
