ەكى كۇنگە جالعاساتىن شارادا وڭىردەگى جەڭىل ونەركاسىپ، ماشينا جاساۋ، فارماسيەۆتيكا، تاماق ونەركاسىبى، قۇرىلىس زاتتارى سالالارىنىڭ 70-تەن استام كاسىپورىندارىنىڭ وتاندىق ونىمدەرى قويىلدى. بۇل تۋرالى «قامشى» پورتالى وقو اكىمىنىڭ باسپا ءسوز قىزمەتىنە سىلتەمە جاساپ حابارلايدى.
وتاندىق تاۋار وندىرۋشىلەر كورمەسىنە وبلىس اكىمى ج.تۇيمەبايەۆ جانە «تۋعان جەردى تۇلەتۋ – پەرزەنتتىك پارىز!» اتتى شاراسىنا قاتىسۋشىلار - ق ر پارلامەنتى دەپۋتاتتارى، ورتالىق ورگاندار مەن ۇلتتىق كومپانيالار، مادەنيەت قايراتكەرلەرى جانە زيالى قاۋىم وكىلدەرى قاتىستى.
اشىلۋ سالتاناتىندا ءسوز العان وبلىس اكىمى جانسەيىت تۇيمەبايەۆ بارشا قاتىسۋشىلاردى ەگەمەندىگىمىزدىڭ 25 جىلدىق مەرەكەسىمەن قۇتتىقتاپ، شيرەك عاسىردا ءوڭىردىڭ جەتكەن جەتىستىكتەرىن بايان ەتتى.
«جالپى، الەمدىك دامۋدىڭ كۇردەلى كەزەڭدەرىنە قاراماستان، ەلباسىمىز نۇرسۇلتان ءابىش ۇلى نازاربايەۆتىڭ كورەگەندىكپەن جۇرگىزىپ جاتقان دانا ساياساتى ارقاسىندا، تاريحى قىسقا مەرزىمدە ەلىمىز الەۋمەتتىك-ەكونوميكالىق جاعىنان قارقىندى دامىپ، الەمنىڭ باسەكەگە قابىلەتتى ەلۋ ەلدىڭ قاتارىنا ەندى. ونىڭ ىشىندە، وڭتۇستىك قازاقستان وبلىسىنىڭ جەتىستىكتەرى دە وراسان. ماسەلەن، 25 جىل ىشىندە جالپى وڭىرلىك ءونىم 1،5 ملرد.تەڭگەدەن 2،5 ترلن. تەڭگەگە دەيىن وسسە، ونداعى ونەركاسىپتىڭ ۇلەسى 15 پايىزدان 28 پايىزعا دەيىن ارتتى. وسى قارقىن اعىمداعى جىلى دا ساقتالىپ، 10 ايدا ونەركاسىپ كاسىپورىندارىمەن 643،1 ملرد. تەڭگەنىڭ ءونىمى ءوندىرىلدى»،- دەدى جانسەيىت قانسەيىت ۇلى.
بيىل وڭتۇستىك قازاقستان وبلىسى ونەركاسىپ ونىمدەرىن وندىرۋدە ءوسۋ قارقىنى بويىنشا رەسپۋبليكادا 3ء-شى ورىندى يەلەنگەن. سونداي-اق، وبلىستا توقىما، مۇناي وڭدەۋ، ماشينا جاساۋ، فارماسيەۆتيكا، مەديسينالىق قۇرىلعىلار جاساپ شىعارۋ، قۇرىلىس ماتەريالدارى جانە باسقا دا سالاردا جاڭا ءونىم تۇرلەرىن ءوندىرۋ قولعا الىنعان.
بۇگىنگى كورمەنىڭ ماڭىزى ەرەكشە. مۇندا وبلىس تاۋار وندىرۋشىلەرىنىڭ جەتىستىكتەرى پاش ەتىلىپ، تۇتىنۋشىلار مەن وندىرۋشىلەر اراسىندا تىعىز بايلانىس ورناتۋعا مۇمكىندىك تۋماق.
كورمەدە الەمدىك ستاندارتتارعا ساي كەلەتىن كىلەم ونىمدەرى، شۇلىق جانە ۇيگە ارنالعان توقىما بۇيىمدارى، ەرلەر كوستيۋمدەرى، ترانسفورماتورلار، سۋ سورعىلارى، دارىلىك زاتتار مەن مەديسينالىق ماقساتتاعى بۇيىمدار، مەديسينالىق قۇرىلعىلار، قۇرىلىس زاتتارى، جيھاز، ازىق-تۇلىك ونىمدەرى سىندى وبلىستىڭ تاۋار وندىرۋشىلەرى ءوز ونىمدەرىن جۇرت نازارىنا ۇسىنۋدا.
